खचाखच भरलेले गांधी मैदान...नरेंद्र मोदींची सभा...स्टेजवर नेतेमंडळी भाषण देते होते. अन् मागे बॉम्बस्फोट होत होते...पण फटाके समजून नेत्यांनी दुर्लक्ष केलं...हा किस्सा आहे. 27 ऑक्टोबर 2013 चा...

संपूर्ण भारतात तेव्हा नरेंद्र मोदींची हवा होती...पाटण्यात गांधी मैदानावर त्यांची हुंकार सभा होती. गर्दीच्या मागे धूर अन् फटाक्यांचा आवाज सुरु होता....पण हे फटाके नव्हते तर पाटण्यात बॉम्ब  फुटत होते आणि या बॉम्बच्या आवाजात नरेंद्र मोदी यांनी सभेला संबोधित केले.

मोदी तेव्हा पंतप्रधानपदाचे प्रमुख दावेदार होते. सकाळी दहा वाजल्यापासूनच गांधी मैदान तुडुंब भरू लागलं, पण पुढे काय होणार हे कोणालाच कळत नव्हते. नरेंद्र मोदी सभास्थळी यायला थोडा वेळ होता... मात्र त्याचवेळी पाटणा रेल्वे स्थानकावर स्फोट झाला...

रेल्वे स्थानकाच्या बाथरुममध्ये दहशतवादी बॉम्ब सेट करत होते. वेळ ठरवत असताना बॉम्बचा स्फोट झाला...एक दहशतवादी तिथेच जखमी राहिला, तर दुसरा बाहेर पकडला गेला. पण त्या दिवशी बॉम्बस्फोटांची ही सुरुवात होती, कारण त्यानंतर दिवसभरात एकूण 8 बॉम्बस्फोट झाले, त्यापैकी 5 गांधी मैदानाच्या आत होते. पण एवढं होऊनही सभा थांबली नाही कारण गांधी मैदान एवढं मोठं होतं की समोर उभ्या असलेल्या लोकांना मागे काय चाललंय ते कळत नव्हतं.

नरेंद्र मोदी यांनी दुपारी दीड ते दोनच्या सुमारास भाषण केले, ते त्यांच्या नेहमीच्या भाषणापेक्षा कमी होते, पण ज्या वातावरणात हे भाषण केले जात होते ते अतिशय महत्त्वाचे होते. रॅलीनंतर गांधी मैदानातही स्फोट झाले, नरेंद्र मोदींच्या भाषणापूर्वीच मैदानाच्या विविध भागात स्फोट झाले. यावरुन राजकारण देखील झालं.  केंद्रात काँग्रेसचे सरकार होते आणि राज्यात नितीशकुमार मुख्यमंत्री होते...

पुढे इंडियन मुजाहिद्दीनने या स्फोटाची संपूर्ण जबाबदारी घेतली. एनआयए कोर्टाने 2021 मध्ये या प्रकरणी 9 दहशतवाद्यांना शिक्षा सुनावली. चार जणांना फाशी देण्यात आली, दोघांना जन्मठेप...