आज लोकसभा निवडणुकांच्या तिसऱ्या टप्प्यातील निवडणुकांसाठी मतदान होत आहे. दरम्यान माढा लोकसभा मतदारसंघात धक्कादाक घटना घडली आहे. सांगोल्यात संतप्त मतदाराने EVM मशिन पेटवली. सोंगोला तालुक्यातील बागलवाडी गावातील मतदान केंद्रावर ही घटना घडली. सदर तरुणाला अधिकाऱ्यांनी पोलिसांच्या ताब्यात दिलं आहे.

सांगोला तालुक्यात बागलवाडी मतदान केंद्र आहे. दादासाहेब चळेकर या मतदाराने ह्या मशिन पेटवल्या सकाळपासून या केंद्रावर ४१० मतदान झालं. हे मतदान सुरक्षित आहे. मात्र आता दुसऱ्या मशिन लावण्यात आल्या आहेत, अशी माहिती निवडणूक अधिकाऱ्यांनी दिली. loksabha election 2024 in maharashtra

दादासाहेब चळेकर याने खिश्यात पेट्रोलची बाटली नेली होती. यानंतर त्यांनी मशिन जाळल्या. स्थानिक अधिकाऱ्यांनी पाणी टाकून आग विझवण्याचा प्रयत्न केला. उपस्थित कर्मचाऱ्यांमध्ये धांदल उडाली आहे. दादासाहेब चळेकर याला पोलिसांनी ताब्यात घेतलं असून पुढील चौकशी सुरु आहे.