पुणे : वंचित बहुजन आघाडीचे अध्यक्ष प्रकाश आंबेडकर यांच्याकडून वसंत मोरे यांना पाठिंबा मिळणार की नाही, याचा निर्णय येत्या दोन दिवसांत होणार आहे.

मोरे यांनी पुणे लोकसभा मतदारसंघातून अपक्ष उमेदवार म्हणून निवडणूक लढविण्याची घोषणा केली आहे. आंबेडकर यांच्याशी त्यांनी मुंबईत शुक्रवारी सुमारे तासभर भेट घेतली. त्या वेळी पुण्यातील निवडणुकीबाबत चर्चा झाली.

येत्या दोन दिवसांत राज्यांतील विविध भागांतील कार्यकर्त्यांशी चर्चा होणार असून, त्यात पुण्याचाही समावेश आहे. स्थानिक कार्यकर्त्यांशी चर्चा करून अंतिम निर्णय घेऊ, असे आंबेडकर यांनी या वेळी नमूद केले.

दरम्यान, आंबेडकर हे पाठिंबा देण्याबाबत सकारात्मक असल्याचे मोरे यांनी नमूद केले. २०१९ च्या लोकसभा निवडणुकीत वंचित बहुजन आघाडीचे पुण्यातील उमेदवार अनिल जाधव यांना ६४ हजार ७९३ मते मिळाली होती.