कोल्हापूर: कोल्हापूर उत्तर विधानसभेच्या पोटनिवडणूकीत महाविकास आघाडीचा विजय दणदणीत विजय झाल्यानंतर विजयी उमेदवारांवर सर्वच स्थरातून अभिनंदनाचा वर्षाव होत आहे. दरम्यान पर्यावरण मंत्री आदित्य ठाकरे (Aaditya Thackeray) यांनी देखील जयश्रीताई जाधव (Jayshree Jadhav) यांचे हार्दिक अभिनंदन केले. तर मतदारांचे आभार मानले आहे.

आदित्य ठाकरे म्हणाले, महाविकास आघाडी एकजूट होऊन महाराष्ट्राचा शाश्वत विकास करत आहे आणि त्याला लोकांचा पाठिंबा आहे, हे आजच्या निवडणुकीच्या निकालावरून सिद्ध झाले. महाराष्ट्र आणि महाविकास आघाडीसाठी एकत्रितपणे काम केल्याबद्दल मी शिवसेना, काँग्रेस, राष्ट्रवादी काँग्रेसच्या कार्यकर्त्यांचे आभार मानतो असेही ते म्हणाले.

यावेळी जितेंद्र आव्हाड यांनीही फुले, शाहू,आंबेडकर विचारांचा विजय झाल्याचा म्हटलं आहे. कोल्हापूरची जागा जिंकून शाहू महाराजांचा विजय झाला असल्याचेही त्यांनी म्हटलं आहे. त्यांनी चंद्रकांत पाटलांचा एक फोटो शेअर केला आहे ज्यामध्ये ते निवडणूकीत पराभव घाल्यानंतर हिमालयात पोहचले असल्याचे स्वत: सांगत आहेत असा फोटो शेअर केला आहे.