मुंबई : काहीही झालं तरी शिवसेनेचं सरकार बनणार आणि त्यांना राष्ट्रवादी काँग्रेस आणि काँग्रेस पाठिंबा देणार असल्याचे शिवसेनेचे आमदार अब्दुल सत्तार यांनी म्हटले आहे. सत्तार म्हणाले, 'जर आमचे आमदार कोणी फोडण्याचा प्रयत्न केला तर त्यांचे आम्ही डोकं फोडू आणि तोडण्याचा प्रयत्न झाला तर त्यांचे आम्ही पाय तोडू'.

'सकाळ'चे मोबाईल ऍप डाऊनलोड करा

आठ दिवसाच्या आतमध्ये शिवसेनेचा राज्यात मुख्यमंत्री बनेल. काँग्रेस, राष्ट्रवादी आणि शिवसेना हे तीन पक्ष एकत्र येणार म्हणून काही वेळ लागणार असल्याचेही सत्तार यांनी सांगितले. शेवटच्या मसुद्यावर राष्ट्रवादी आणि काँग्रेसची चर्चा सुरू असून लवकरच तोडगा निघणार असल्याचेही त्यांनी सांगितले.

शिवसेनेचे आमदार नाराज? एकनाथ शिंदे म्हणातात...

शुक्रवारी (ता.22) आम्ही शिवसेनेचे सर्व आमदार एकत्र येणार आणि सत्ता स्थापन करूनच जाणार असल्याचेही त्यांनी सांगितले आहे. राज्यात सत्ता स्थापनेविषयी मोठा पेच निर्माण झालेला असताना शिवसेना आमदार अब्दुल सत्तार सांगितलेल्या माहितीवरून आता महाराष्ट्रात कधी सत्ता स्थापन होते हे पाहणे औत्सुक्याचे ठरणार आहे.