Dhule News - मुंबई-आग्रा राष्ट्रीय महामार्ग क्रमांक तीनवरील बिजासण घाटात बस आणि ट्रकचा भीषण अपघात झाला आहे. सकाळ साडेदहाच्या दरम्यान ब्रेकफेल झालेल्या ट्रकने बसला मागून धडक दिली. त्यामुळे बस रस्त्यावरट पलटली. या भीषण अपघातात दोघे ठार तर 30 हुन अधिक प्रवासी जखमी झाले आहेत.

मध्यप्रदेश-महाराष्ट्र सीमेवरील मुंबई आग्रा राष्ट्रीय महामार्गावर मध्यप्रदेश परिवहन विभागाची इंदौर-नाशिक बस शेंधवाहून शिरपूरच्या दिशेने जात असताना मागून येणाऱ्या भरधाव ट्रकचे ब्रेक फेल झाले. वेगात असलेल्या ट्रकने बसला मागून धडक दिली.

अपघात स्थळी बिजासण पोलीस प्रशासन दाखल झाले असून बचाव कार्य सुरू आहे. जखमींना शेंधवा ग्रामीण रुग्णालयात दाखल करण्यात आले आहे.