महिलांचे अश्लिल चित्रण होत असलेल्या वेब सिरीजवर बंधने घालण्यावर महाराष्ट्र पोलीस कारवाई करत असल्याचे गृहमंत्री दिलीप वळसे पाटील यांनी विधानसभेत सांगितले. ओटीटी प्लॅटफॉर्मवरील वेब सिरीजमधील देहप्रदर्शन आणि इतर दृश्यांवर बंधने घालण्याच्या दृष्टीने महाराष्ट्र पोलिसांनी पाऊल उचलले असल्याचेही ते म्हणाले. गृह विभागाच्या चर्चेस उत्तर देतांना गृहमंत्री वळसे पाटील बोलत होते.
वेब सिरीजच्या माध्यमातून महिलांचे अश्लिल चित्रण होत असल्याच्या अनेक तक्रारी येत असतात. या संदर्भात विधानसभेत बोलताना वळसे पाटील म्हणाले, ओटीटीप्लॅटफॉर्मवरील आक्षेपार्ह वेब सिरीजवर केंद्रीय प्रसारण विभागाशी बोलून बंदी घालण्याबाबत महत्त्वाचे पाउले उचलली जातील पण महाराष्ट्र पोलिस याबाबत कारवाई करत असल्याचेही ते म्हणाले.
शक्ती विधेयकाबाबतही दिलीप वळसे-पाटील यांनी भाष्य केले. शक्ती विधेयक मान्यतेसाठी राष्ट्रपती यांच्याकडे गेले असून राष्ट्रपतीकडून या विधेयकाला मान्यता मिळाल्यानंतर या विधेयकाच्या माध्यमातून महिलांना अधिक प्रभावीपणे न्याय देता येईल, असे वळसे पाटील म्हणाले. सोबतच बलात्कार प्रकरणात लवकरात लवकर न्याय मिळावा, यासाठी तरतूदी करण्यात येत असल्याचेही त्यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.