मुंबई : राज ठाकरे यांनी आज मुख्यमंत्री उद्धव ठाकरे यांनी पत्र लिहून इशारा दिला आहे. त्यानंतर शिवसेनेचे आदित्य ठाकरे यांनी आपली प्रतिक्रिया व्यक्त केली आहे.

(Aditya Thackeray On Raj Thackeray Letter To CM Thackeray)

राज ठाकरे यांनी आज मुख्यमंत्र्यांना पत्र पाठवून आमचा अंत पाहू नका असा इशारा दिला आहे. त्यावर बोलायला आदित्य ठाकरे यांनी नकार दिला आहे. आम्ही राजकारणासाठी आयोध्येला जात नसून दर्शनासाठी जात असल्याचं त्यांनी सांगितलं. तसेच आयोध्येचा संघर्ष जेव्हा सुरू होता तेव्हा शिवसेना तिथे गेली होती असं ते म्हणाले.

शिवसेनेने संघर्षामध्ये सहभाग घेतला होता आणि कोर्टाने निकाल दिल्यावर मंदिराचं बांधकाम सुरू झालं होतं. आता सगळा संघर्ष संपलेला आहे, आता आम्ही दर्शनासाठी जात आहोत, कुठंल्याही राजकारणासाठी जात नाही, आमचे ते शक्तीस्थान आहे, आम्ही तिथे जाऊन आशिर्वाद घेणार आहोत असं ते माध्यमांना बोलताना म्हणाले.

दरम्यान सध्या राज्यात महाविकास आघाडी हे विकासाचं राजकारण करत आहे. आम्ही सामाजिक, शैक्षणिक, आणि आरोग्याचे प्रश्न सोडवण्याचे प्रयत्न केले जात आहेत पण सध्या राज्यात काही लोकं तेढ निर्माण करण्याचा प्रयत्न करत आहेत असा आरोप त्यांनी केला आहे.

सध्या राज्यात बेरोजगारी आणि महागाई यावर कुणी बोलत नाही पण आयोध्येत २५ वर्षापूर्वी काय झालं यावर लोकं चर्चा करतात, पण आम्ही कुठल्या राजकीय हेतूसाठी नाहीतर दर्शनासाठी जाणार आहोत असं ते म्हणाले.