Bharat Gogawale Esakal
महाराष्ट्र बातम्या

Bharat Gogawale : भरत गोगवलेंची जीभ घसरली, संजय राऊतांमुळे बॅकफुट गेलेली मविआ पुन्हा फॉर्मात

संजय राऊतांवर हक्कभंगासाठी भाजपने रान उठवलं; सभागृहाच आजच कामकाज तहकूब

सकाळ डिजिटल टीम

ठाकरे गटाचे खासदार संजय राऊत यांनी विधिमंडळाचा उल्लेख चोरमंडळ, असा केल्यामूळे निर्माण झालेल्या राजकीय वादाचे पडसाद आज विधानसभेत दिसून आले. अतुल भातखळकर यांच्यासह भाजपच्या आमदारांनी संजय राऊत यांच्यावर हक्कभंगाची कारवाई करण्यासाठी सभागृह डोक्यावर घेतले. भाजपचे आमदार एकापाठोपाठ संजय राऊत यांनी विधिमंडळाची बदनामी केल्याचं म्हणत आहेत.

मात्र, त्याचवेळी शिवसेनेचे (शिंदे गट) आमदार भरत गोगावले बोलण्यासाठी उभे राहिले. त्यांनी संजय राऊत यांच्यावर टीका केली यावेळी बोलताना त्यांची जीभ घसरली आणि त्यांनी सभागृहात असंसदीय शब्दाचा उल्लेख केला. त्यांनी या शब्दाचा वापर करताच महाविकास आघाडीच्या आमदारांनी उलट सत्ताधाऱ्यांना लक्ष्य करण्यास सुरुवात केलं.

संजय राऊत यांनी विधिमंडळाचा उल्लेख चोरमंडळ असा केला, ही वस्तुस्थिती आहे. आम्ही सगळ्यांनी ती क्लीप ऐकली आहे. कोणत्याही गोष्टीला मर्यादा असतात. ती मर्यादा ओलांडल्यानंतर 'अती तेथे माती', हे ठरलेले असते. त्यामुळे संजय राऊत यांच्यावर हक्कभंगाची कारवाई झालीच पाहिजे. संजय राऊतांच्या वक्तव्यामुळे भावना प्रचंड भडकत चालल्या आहेत. या माणसाला विधिमंडळाला चोरमंडळ म्हणण्याचा अधिकार कोणी दिला? माणसाने इतकंही ***** नसलं पाहिजे. त्यामूळे संजय राऊत यांच्यावर हक्कभंग आणा, असं भरत गोगावले यांनी म्हंटलं आहे.

भरत गोगावेल यांची जीभ घसरल्याचे लक्षात येताच सभागृहात राऊत यांच्या वक्तव्यामुळे बचावात्मक पवित्र्यात असणारे महाविकास आघाडीचे आमदार आक्रमक झाल्याचे दिसून आले. बाहेर बोलल्या गेलेल्या गोष्टी सभागृहात तपासल्या जातात. मग इकडे जे आक्षेपार्ह शब्द बोलता, तेदेखील मागे घेतले पाहिजेत, असा पवित्रा घेत विरोधकांनी सभागृहाचे कामकाज रोखून धरले. विधानसभा अध्यक्ष राहुल नार्वेकर यांनी त्यांचं वक्तव्य तपासून घेऊ, आता बसा असं म्हणत कामकाज पुढे ढकलण्याचा प्रयत्न केला.

संजय राऊतांच्या विधानावर आक्षेप घेत भाजप आणि शिवसेनेनं त्यांच्याविरुद्ध हक्कभंग प्रस्ताव आणण्याची मागणी केली. संजय राऊत वैफल्यग्रस्त झाले आहेत. त्यांच्याकडे काहीही राहिलेलं नाही. ते रोज पुस्तकातून नवीन शब्द शोधून काढतात. काहीतरी भडकाऊ बोलल्याशिवाय त्यांच्या बातम्याच होत नाहीत. कारण लोक आता कंटाळले आहेत. त्यामुळे त्यांच्या जीभेला करवंदीचा काटा टोचायला हवा. म्हणजे त्यांच्या जीभेला आवर घातला जाईल. संजय राऊतांवर आम्ही हक्कभंग दाखल करत आहोत. असं शिवसेना (शिंदे गट) प्रतोद भरत गोगावले यांनी सांगितलं.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Amazon Prime Day Sale: आला रे आला अमेझॉनचा ‘प्राइम डे सेल’ आला; मध्यरात्रीच सुरू होतोय धडका, मोठी संधी चुकवू नका!

Shambhuraj Desai : मंत्री शंभुराज देसाईंचे थेट माजी मुख्यमंत्री पृथ्वीराज चव्हाणांनाच आव्हान... म्हणाले,

Latest Marathi News Updates: खडकवासला धरण परिसरात प्रेमी युगलाने दिला जीव

IND vs ENG 3rd Test: जसप्रीत बुमराहच्या ५ विकेट्सने दिले हादरे! कपिल देवसह अनेकांचे विक्रम मोडले; पण इंग्लंडचे शेपूट पुन्हा वळवळले

Power of Simple Living and Discipline : साधं राहणीमान अन् बचतीच्या जोरावर ४५व्या वर्षी निवृत्तीपर्यंत जमवले ४.७ कोटी; जाणून घ्या कसे?

SCROLL FOR NEXT