मुंबई : राज्य शासनानं एसटी कर्मचाऱ्यांचा संप मिटावा यासाठी त्यांच्या बहुतांश मागण्या मान्य केल्या आहेत. यानंतर एसटी कर्मचाऱ्यांचे शिष्टमंडळ म्हणून सरकारसोबत चर्चेला गेले नेते सदाभाऊ खोत आणि भाजपचे आमदार गोपिचंद पडळकर यांनी आझाद मैदानात जाऊन कर्मचाऱ्यांची भेट घेतली. यावेळी कर्मचाऱ्यांशी चर्चा करुन उद्या सकाळपर्यंत कर्मचाऱ्यांची भूमिका जाहीर करु, अशी माहिती दिली.
खोत म्हणाले, "सरकारनं जो निर्णय जाहीर केला तो आम्ही ऐकला यानंतर आता कर्मचाऱ्यांसोबत बसून आम्ही त्यावर चर्चा करु. त्यासाठी रात्रभर आम्ही आझाद मैदानातच थांबणार आहोत आणि चर्चा करणार आहोत. सरकारच्या या निर्णयावर आम्ही सर्व बाजूंनी साधकबाधक विचार करु आणि उद्या सकाळी आम्ही आमचा निर्णय जाहीर करु"
आम्ही अद्याप कामगारांची भूमिका जाहीर केलेली नाही. त्यांच्याशी चर्चेनंतरच त्यावरची भूमिका उद्या स्पष्ट केली जाईल. अनिल परब यांनी पगारवाढ ऐतिहासिक असल्याचं म्हटलं असलं तरी त्यांनी सांगितलेल्या आकडेवारीबाबत आम्ही आमच्या काही वरिष्ठ कामगारांना सोबत घेऊन चर्चा करु. आज आझाद मैदानात आम्ही काही प्रमुख कामगारांशी चर्चा करुन त्यानंतर विविध विभागांमध्ये जे कामगार काम करत आहेत. त्यांच्याशीही आम्ही संपर्क करणार आहोत, यानंतर सांगोपांग चर्चा झाल्यानंतर उद्या सकाळी निर्णय जाहीर करु, असंही सदाभाऊ खोत यावेळी म्हणाले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.