उपमुख्यमंत्री पदासाठी अजित पवारांची मनधरणी!
मुंबई - मंत्रिमंडळ विस्तार व खातेवाटपाबाबत महाविकास आघाडीने सबुरीचे धोरण स्वीकारले असून, अजित पवार यांनी उपमुख्यमंत्रिपद घ्यावे, यासाठी राष्ट्रवादीच्या नेत्यांनी मनधरणी सुरू केली आहे.
शरद पवार आज दिल्लीवरून मुंबईत आल्यावर मुख्यमंत्री उद्धव ठाकरे यांनी त्यांची भेट घेतली. विधिमंडळाच्या नागपूर अधिवेशनानंतर मंत्रिमंडळ विस्तार होणार असल्याचे स्पष्ट झाले आहे. मात्र, महाविकास आघाडीचे मंत्रिपदाचे वाटप अद्यापी झालेले नाही. त्यामुळे पवार व ठाकरे यांनी आजच्या बैठकीत यावर चर्चा केल्याचे समजते.
दरम्यान, राष्ट्रवादी काँग्रेसचे नेते अजित पवार यांना शरद पवार यांनी बारामतीवरून आज तातडीने मुंबईत बोलावले. ठाकरे यांच्या सोबतच्या बैठकीनंतर शरद पवार, अजित पवार व प्रदेशाध्यक्ष जयंत पाटील यांच्यात बैठक झाली.
अजित पवार यांची तूर्तास मंत्रिमंडळात येण्याची इच्छा नसल्याचे सांगण्यात येते. मात्र, पक्षाचे सर्व आमदार व नेत्यांचा अजित पवार मंत्रिमंडळात असावेतच असा आग्रह आहे. अजित पवार यांनाच उपमुख्यमंत्री पद देण्यात यावे, यासाठी सर्व नेते आग्रही आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.