मुंबई : भाजपसोबत जाऊन उपमुख्यमंत्रीपदाची शपथ घेतल्यानंतर राष्ट्रवादी काँग्रेसचे नेते अजित पवार यांनी आज (मंगळवार) राजीनामा दिला असून, त्यांचे मन वळविण्यात अखेर त्यांच्या कुटुंबातील व्यक्तिलाच यश आले आहे.
काका शरद पवार यांच्यासोबत लहानपणापासून राहिलेल्या अजित पवार हे भाजपसोबत गेल्यानंतर कुटुंब फुटले असे बोलले जात होते. पवार कुटुंब एक आहे आणि त्या कुटुंबाचे शरद पवार हेच प्रमुख आहेत हे पुन्हा एकदा सिद्ध झाले आहे. शरद पवार यांच्या पत्नी प्रतिभा पवार यांनी अखेर अजित पवारांचे मन वळविले आहे. त्यांनी अखेर आपल्या संस्काराची आठवण करून देत अजित पवारांना पुन्हा कुटुंबात आणले आहे.
अजित पवार यांनी उपमुख्यमंत्रीपदाचा राजीनामा दिला आहे. अजित पवार यांच्या मनधरणीचे प्रयत्न गेल्या काही दिवसांपासूनच सुरु होते. आज अखेर अजित पवार यांनी उपमुख्यमंत्रीपदाचा राजीनामा दिला आहे. शनिवारी 23 नोव्हेंबर रोजी अजित पवार यांनी उपमुख्यमंत्रीपदाची तर देवेंद्र फडणवीस यांनी मुख्यमंत्रीपदाची शपथ घेतली. त्यानंतर राष्ट्रवादीचे अनेक दिग्गज नेते हे अजित पवारांच्या भेटीला गेले होते. त्यांच्या मनधरणीचे प्रयत्न सुरु होते. आज सकाळी सदानंद सुळे यांनीही अजित पवार यांची भेट घेतली आणि त्यांचं मन वळवण्याचा प्रयत्न केला होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.