मुंबई : अजित पवार यांचे खंदे समर्थक मानले जाणारे आमदार धनंजय मुंडे राष्ट्रवादी काँग्रेसच्या बसमध्ये बसले. आता ही बस राष्ट्रवादीच्या आमदारांना 'रेनिसन्स' हॉटेलमध्ये घेऊन आली आहे. आता या हॉटेलमध्ये त्यांचा मुक्काम होणार आहे.
अजित पवार यांनी आज बंड करत भाजपशी हातमिळवणी केली. त्यानंतर दक्ष झालेल्या राष्ट्रवादी पक्षाने यशवंतराव चव्हाण प्रतिष्ठानमध्ये (वायबी सेंटर) दिवसभर बैठकांचा सपाटा लावला होता. अजित पवार यांच्याबरोबर गेलेले सहा आमदार दिवसभरात परत आले. सर्वांना उत्सुकता धनंजय मुंडे यांची होती. ते अजित पवार यांच्याबरोबर ठाम राहतील, अशी चर्चा होती. मात्र, सायंकाळी धनंजय मुंडेही यशवंतराव चव्हाण प्रतिष्ठानमध्ये आले. ते पक्षाच्या विधिमंडळ बैठकीत सहभागी झाले.
या बैठकीतच अजित पवार यांची विधिमंडळ पक्षनेतेपदावरून हकालपट्टी झाली. त्यानंतर रात्री साडेनऊ वाजता राष्ट्रवादीच्या आमदारांना एका बसमध्ये बसवण्यात आले होते. यातील महत्वाची बाब म्हणजे या बसमध्ये धनंजय मुंडेही बसले होते. त्यामुळे सद्यस्थितीत तरी ते पक्षाबरोबर ठाम असल्याचे दिसत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.