Ambadasa Danave Attack On Abdul Sattar : मुख्यमंत्री एकनाथ शिंदेंच्या स्वीय सहाय्यकाला अब्दुल सत्तार यांनी शिवीगाळ केल्याचा प्रकार काल समोर आला होता. त्यानंतर अनेक स्तरातून यावर प्रतिक्रिया उमटू लागल्या असून, विरोधी पक्षाकडूनही आता या सर्व प्रकणावर प्रतिक्रिया देत हल्लाबोल करण्यात आला आहे. सत्तार म्हणजे विकृती असून, त्यांनी आता फक्त स्वीय सहाय्यकाला शिवीगाळ केली आहे. पुढे ते कुणाकुणाला करतील हे दिसेलच असा हल्लाबोल विधानपरिषदेचे विरोधी पक्षनेते अंबादास दानवे यांनी केला आहे. यावेळी त्यांनी अमृता फडणवीस यांच्यावरही जोरदार टीका केली.

दानवे म्हणाले की, शिवसेनेविरोधात ट्वीट करणाऱ्या अमृता फडणवीस यांच्याव भाष्य करतना ते म्हणाले की, त्यांनी काय-काय गमावलंय, पती मुख्यमंत्रीपदावरुन उपमुख्यमंत्रीपदावर आले आहेत असा टोला त्यांनी मिसेस फडणवीसांना लगावला. सध्या राज्यातील सरकार हे स्थगिती सरकार असल्याचा पुनुरुच्चार करत हे राज्याला नव्हे तर, गुजरातला मदत करणारं सरकार आहे.

सत्तारांकडून स्पष्टीकरण

कृषीमंत्री अब्दुल सत्तार बोलताना म्हणाले की, शिवीगाळ वगैरे काहीच झालं नाही, तिथे फक्त चर्चा झाली. मुख्यमंत्र्यांनी चर्चा करायला सांगितल्या. या सर्व बातम्या पाहिल्यानंतर मलाही आश्चर्य वाटलं. आम्ही तिथं फक्त चर्चा केली, सूचना मांडल्या. मी कोणालाही शिवीगाळ केली नाही. मी 42 वर्षाचा राजकारणी आहे. ते क्लासवन अधिकारी आहेत. मी त्यांना काशी शिवीगाळ करेन असं अब्दुल सत्तार बोलताना म्हणालेत.

आचारसंहितेपूर्वी कामं झाली पाहिजेत नाहीतर आहेत ते पैसे तसेच पडून राहतील ही फक्त माझी मागणी होती. बाकी शिवीगाळ वगैरे काहीच नाही. तिथं मुख्यमंत्री स्वतः उपस्थित होते तुम्हाला हवं तर तुम्ही त्यांना विचारा असंही सत्तार म्हणालेत. माझ्याआधी 2 3 जण निघाले त्यानंतर मी बाहेर पडलो. मी चिडलो नव्हतो असंही सत्तार यांनी म्हंटलं आहे.