केंद्रीय गृहमंत्री अमित शाह यांच्या हस्ते 'शिवसृष्टी'चा पहिल्या टप्प्याचं उद्घाटन करण्यात आलं आहे. बाबासाहेब पुरंदरे यांच्या संकल्पनेमधून ही शिवसृष्टी साकारण्यात आली आहे. आज शिवजयंतीचं औचित्य साधत लोकार्पण करण्यात आलं आहे. या कार्यक्रमात बोलताना मुख्यमंत्री एकनाथ शिंदे यांनी शाहंबद्दल मोठी माहिती दिली.

शिवसृष्टी लोकार्पण सोहळ्यात एकनाथ शिंदे बोलत होते. यावेळी त्यांनी शिवसृष्टीला काही कमी पडू देणार नाही अशी ग्वाही दिली. तसेच, अमित शाह यांच्यावरही भाष्य केले.

आज अमित शाह इथे आहेत. अनेक लोकांना माहीत नसेल मात्र ते शिवप्रेमी आहेत. त्यांना मराठ्यांचा आणि शिवरायांचा दांडगा अभ्यास आहे. असे सांगत यावर ते एक पुस्तक लिहित आहे. लवकरच ते प्रकाशित होईल. अशी माहिती एकनाथ शिंदे यांनी यावेळी दिली.