मुंबई - सध्याच सरकार एकत्र आले, हे मलाई खाण्यासाठी एकत्र आले, अशी टीका काँग्रेसचे प्रदेशाध्यक्ष नाना पटोले यांनी केली होते. त्या टीकेला राष्ट्रवादी काँग्रेसच्या अजित पवार गटाचे आमदार अमोल मिटकरी यांनी प्रत्युत्तर दिलं आहे.

आमदार अमोल मिटकरी यांनी नाना पटोले यांना प्रत्युत्तर देताना म्हटलं की, नाना पटोलेंची दिल्लीत काय किंमत आहे? हे नाना पटोलेंना चांगलच माहित आहे. नाना पटोले सुद्धा भाजपमध्ये असताना खूप मलाई खात होते. केवळ विरोधासाठी विरोध करावा म्हणून ते अस वक्तव्य करत आहेत, असही आमदार अमोल मिटकरी म्हटले.

नाना पटोले म्हणाले होते की, भाजप-शिवसेना आणि अजित पवार सत्तेत मलाई खाण्यासाठी एकत्र आले आहेत. त्यामुळे आगामी काळात मलाईवरून राजकारण तापणार, अशी शक्यता आहे.