मुंबई : शिवसेना नेते आणि राज्याचे पर्यावरण मंत्री आदित्य ठाकरे (Aditya Thackeray) आज अयोध्या (Ayodhya) दौऱ्यावर असून, आदित्यजींचं लवकर शुभमंगल होवो आणि सीतामाई सारखी सूनबाई आम्हाला मिळो अशी इच्छा भाजपचे खासदार अनिल बोंडे यांनी व्यक्त केली आहे. (BJP ANil Bonde On Aditya Thackeray Marriage)

बोंडे म्हणाले की, ही अतिशय चांगली गोष्ट आहे की, आदित्य ठाकरे प्रभू रामचंद्राचं दर्शन घेण्यासाठी अयोध्येत गेले आहेत. मी ज्यावेळी सिद्धीविनायकाच्या दर्शनासाठी गेलो होतो, त्यावेळी सीतामाई सारखी सूनबाई आम्हाला मिळो आदित्याजींचं लवकर शुभमंगल होवो अशी इच्छा व्यक्त केल्याचे ते म्हणाले.

अयोध्येत उभारणार 'महाराष्ट्र सदन'; आदित्य ठाकरेंची घोषणा

दरम्यान, अयोध्या दौऱ्यावेळी आदित्य ठाकरेंनी पत्रकार परिषद घेतली. यावेळी त्यांनी अयोध्येत रामलल्लाचे दर्शनासाठी महाराष्ट्रातून मोठ्या प्रमाणावर भाविक येत असतात. त्यांच्या सोयी-सुविधेसाठी इथं एक महाराष्ट्र सदन उभारण्यात येणार असल्याची घोषणा पर्यावरण मंत्री आदित्य ठाकरे यांनी केली.

हा दौरा तीर्थयात्रा असून राजकीय यात्रा नसल्याचेही अदित्य यांनी स्पष्ट केलं. यासाठी उद्धव ठाकरे स्वतः उत्तर प्रदेशचे मुख्यमंत्री योगी आदित्यनाथ यांच्यासोबत बोलणार असल्याचे ते म्हणाले. सुमारे १०० खोल्यांचं प्रशस्त सदन या ठिकाणी आपण करणार आहोत. महाराष्ट्रात अनेक भाविक इथं येत असतात त्यांना राहण्यासाठी एक चांगली जागा आपल्याला इथं निर्माण करायची आहे.