पंढरपूर : आज आषाढीच्या शासकीय महापूजेसाठी मुख्यमंत्री एकनाथ शिंदे (Eknath Shinde) पंढरपुरात दाखल झाले आहेत. त्यांच्यासोबत राज्याचे अनेक मंत्रीही दाखल झाले आहेत.

पंढरपुरात दाखल झाल्यानंतर वारकऱ्यांना प्रोत्साहित करण्यासाठी शिंदे आणि विखे यांनी फुगड्या खेळल्या. मध्यरात्रीनंतर मुख्यमंत्री शिंदे यांच्या हस्ते आषाढीची शासकीय महापूजा संपन्न होणार आहे.

आज पहाटे मुख्यमंत्री विठुरायाच्या शासकीय महापूजेसाठी मंदिरात जातील. शासकीय पूजेनंतर मंदिर समितीकडून त्यांचा सत्कार होणार आहे, तो स्वीकारून पहाटे साडे चार वाजता विश्रामगृहाकडं निघणार आहेत.

मुख्यमंत्र्यांसोबत मंत्रिमंडळातील महसूल मंत्री राधाकृष्ण विखे पाटील, ग्रामविकास मंत्री गिरीश महाजन, आरोग्यमंत्री डॉ. तानाजी सावंत, शालेय शिक्षण मंत्री दीपक केसरकर, कामगार मंत्री सुरेश खाडे, अब्दुल सत्तार अशी मंत्र्यांची फौज पंढरपुरात दाखल झालीये.