मुंबई : गांधी घराण्यावर टीका केली म्हणून सक्तीच्या रजेवर पाठविण्यात आलेले अभिनेते व मुंबई विद्यापीठाच्या नाट्यशास्त्र विभागाचे संचालक योगेश सोमण यांच्या पाठिशी मुख्यमंत्री उद्धव ठाकरे तुम्ही उभे राहणार का, असा प्रश्न भाजप नेते आशिष शेलार यांनी केला आहे.
काँग्रेसचे माजी अध्यक्ष राहुल गांधी यांच्यावर केलेल्या टीकेमुळे सोमण यांना सक्तीच्या रजेला तोंड द्यावे लागत आहे. सोमण यांच्यावरील कारवाईचे काँग्रेस नेते सचिन सावंत यांनी समर्थन केले आहे. भारतीय जनता पक्षाच्या सत्ताकाळात संपूर्ण शिक्षण व्यवस्थेला वेठीस धरण्यात आले होते. अननुभवी, अकार्यक्षम आणि अपात्र लोकांची केवळ संघ विचारधारेचे असल्याने महत्वाच्या पदांवरती नेमणूक करुन शिक्षण व्यवस्थेचे संघीकरण करण्याचा भाजपा सरकारचा डाव असतो. योगेश सोमण यांच्यावर झालेली कारवाई ही असहिष्णुता नव्हे तर शिक्षण व्यवस्थेचे शुद्धीकरण आहे, असे त्यांनी म्हटले होते.
आता आशिष शेलार यांनी ट्विट करत थेट मुख्यमंत्र्यांनाच प्रश्न विचारला आहे. त्यांनी म्हटले आहे, की मेहक प्रभू मराठी आहे तर मग, योगेश सोमण कोण आहेत? मुख्यमंत्री उद्धव ठाकरे महोदय सोईस्करपणे मराठी माणूस कसा आठवतो आपल्याला? हिंदुत्व जसे सोयीस्कर आठवते तसेच मराठी माणसाचे आपण करणार का? योगेश सोमण यांच्या पाठीशी उभे राहणार का?
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.