गेल्या काही दिवसांमध्ये सत्ताधारी पक्ष विरोधी पक्षांच्या मागे ईडी सीबीआय लावत असल्याचा आरोप विरोधक वारंवार करताना दिसून येतात. अशातच मनसेचे नेते वसंत मोरे यांनी त्यांच्या सोशल मीडिया अकाऊंटवरून पोस्ट शेअर करत मिश्किल टीका केली आहे. (Latest Marathi News)

मनसे नेते वसंत मोरे यांनी त्यांचा ऑडीसोबतचा फोटो त्यांच्या सोशल मिडियावर शेअर करत, 'ऑडी जुनीच आहे फक्त कलर नवीन केलाय, नाहीतर खासदारकीला नाव आलंय उगाच गैरसमजाने गाडी पाहून ईडी वाले यायचे घरी', असं कॅप्शन देत वसंत मोरे यांनी लोकसभा पोटनिवडणुकीच्या पार्श्वभूमीवर ईडीला टोमणा मारला आहे.

पुणे लोकसभा पोटनिवडणूक लढवण्यासाठी वसंत मोरे इच्छुक

'पक्षानं जर संधी दिली तर मी निवडणुकीसाठी तयार आहे', असं वक्तव्य महाराष्ट्र नवनिर्मण सेनेचे नेते वसंत मोरे यांनी काही दिवसांपूर्वी केलं आहे. भाजपचे ज्येष्ठ नेते आणि खासदार गिरीश बापट यांच्या निधनानंतर रिक्त झालेल्या जागेवर पोटनिवडणूक होण्याची शक्यता आहे. यातच माध्यमांशी बोलताना वसंत मोरे यांनी हे मोठं वक्तव्य केलं आहे.(Latest Marathi News)

''पक्षानं जर संधी दिली तर मी निवडणुकीसाठी तयार आहे. 2017 ची पुणे मनपाची निवडणूक पाहिली तर मध्यमवर्गीय उमेदवार होते, तरीही पुणे शहरातील मतदान पाहता 3 लाख 79 हजार मतं आहेत. पोटनिवडणुकीत कोणी मोठा तुल्यबळ नेता धाडस करणार आहे.''

''मनसे कार्यकर्ता जर झाडून कामाला लागला तर चमत्कार घडू शकेल.'' ही पोटनिवडणूक लढवण्याची तुमची इच्छा आहे का? असं त्यांना विचारलं असता ते म्हणाले, ''निवडणूक लढवण्यासाठी इच्छा का नसावी? माझं काम चांगलं आहे. राजकारणात असेल तर मोठी स्वप्न पाहिली पाहिजे. वाहतूक, आरोग्य क्षेत्रातील कामं पाहता निवडणूक लागली तर मी राज ठाकरेंशी बोलेन.''(Marathi Tajya Batmya)

राज्यात आतापर्यंत अनेक पोटनिवडणुका बिनविरोध झाल्या आहेत. मात्र या पोटनिवडणुकीसाठी सर्वच राजकीय पक्षांनी तयारी केली आहे. यातच वसंत मोरे यांचं हे वक्तव्य महत्वाचं म्हणालं जात आहे.(Marathi Tajya Batmya)