मुंबई : भारतीय जनता पक्षाचे नेते तथा विरोधी पक्षनेते देवेंद्र फडणवीस (Devendra Fadnavis) यांनी आज मंगळवारी (ता.२८) राज्यपाल भगतसिंह कोश्यारी (Bhagat Singh Koshyari) यांची भेट घेतली. यावेळी त्यांनी कोश्यारी यांना पत्र देऊन विधानसभेत विश्वासदर्शक ठराव घेण्याची मागणी केली आहे. या पत्रात राज्यातील सद्यःस्थिती, शिवसेनेचे ३९ आमदार सरकारबरोबर राहण्यास तयार नाही. त्यामुळे मुख्यमंत्री उद्धव ठाकरे यांच्याकडे बहुमत नाही. त्यामुळे बहुमत सिद्ध करण्याचे निर्देश राज्यपाल यांनी द्यावे, अशी मागणी फडणवीस यांनी पत्राद्वारे केली आहे. (Bacchu Kaud Tomorrow Arrive In Mumbai, After Devendra Fadnavis Letter)

यामुळे राज्यातील राजकीय घडामोडींना वेग आला आहे. दुसरीकडे गुवाहाटीत एकनाथ शिंदे गटाची बैठक होत आहे. प्रहारचे अध्यक्ष आमदार बच्चू कडू (Bacchu Kadu) उद्या बुधवारी (ता.२८) काही अपक्ष आमदारांना घेऊन गुवाहाटीवरून मुंबईला येणार असल्याची माहिती आहे. उद्याच विदर्भातील भाजपच्या सर्व आमदारांना मुंबईला येण्याच्या सूचना पक्षाकडून देण्यात आल्या आहेत.

भाजप नेते सुधीर मुनगंटीवार यांनी नागपूरात आज भाजप आमदारांची बैठक घेतली आहे. बैठकीनंतर सर्व आमदारांना मुंबईत बोलावल्याची माहिती आहे.