मुंबई : मुंबई येथील बीकेसी मैदानावर मुख्यमंत्री तथा शिवसेनेचे प्रमुख उद्धव ठाकरे यांची जाहीर सभा पार पडली. यावर महाराष्ट्र नवनिर्माण सेनेचे नेते बाळा नांदगावकर (Bala Nandagonakr) यांनी ठाकरे यांच्यावर टीका केली आहे. ट्विटमध्ये नांदगावकर म्हणाले, शिवाजीपार्क सभेचा अनभिषिक्त सम्राट हिंदुहृदयसम्राट बाळासाहेब ठाकरे आणि हिंदुजननायक राजसाहेब ठाकरे. बाकी सगळे... जय हिंद, जय महाराष्ट्र, असा टोला त्यांनी उद्धव ठाकरे (Uddhav Thackeray) यांना लगावला आहे. (Bala Nandagaonkar Criticize Uddhav Thackeray For Public Rally In Mumbai)

ठाकरे यांनी आज विरोधकांचा चांगलाच समाचार घेतला. या प्रसंगी पर्यावरणमंत्री आदित्य ठाकरे, पाणीपुरवठा मंत्री गुलाबराव पाटील, नगरविकास मंत्री एकनाथ शिंदे, खासदार संजय राऊत, विनायक राऊत उपस्थित होते. आमचं हिंदुत्व नकली नाही. डोक्यात हिंदुत्व लागतं.

दाऊद जर भाजपात आला, तर त्याला ही मंत्री करतील. महाराष्ट्राला बदनाम करताय, असा आरोप ठाकरे यांनी भारतीय जनता पक्षावर केला. नुसतं बोंबलायचं. संयम पाळतो. याचा अर्थ आम्ही नामर्द नाही. एकतर्फी प्रेमातून महाराष्ट्र विद्रूप करण्याचा काम भाजप करत असल्याचे ते म्हणाले. आता कोणाला अयोध्याला जायचं जाऊ द्या, असा टोला मुख्यमंत्री उद्धव ठाकरे यांनी मनसे प्रमुख राज ठाकरे यांना लगावला आहे.