कन्याकुमारीपासून ते काश्मीर अशी भारत जोडो यात्रा खासदार राहुल गांधी यांच्या नेतृत्वाखाली सुरू झाली असून महाराष्ट्रात नांदेड जिल्ह्यात प्रवेश केल्यानंतर पाच दिवसांनी आता शुक्रवारी हिंगोली जिल्ह्यात यात्रेने प्रवेश केला आहे. विशेष म्हणजे नेते, पदाधिकारी, साहित्यिक, वकीलांपासून ते सर्वसामान्य नागरिक यात्रेत सहभागी झाले होते. जिल्ह्यात देगलूरपासून यात्रेचे मोठ्या उत्साहात आणि हजारोंच्या संख्येने स्वागत करण्यात आले.

कॉँग्रेससह इतर पक्षांचे तसेच संघटनांचे पदाधिकारीही सहभागी झाले होते. हिंगोलीत राहुल गांधी यांनी जाहीर सभा घेतली त्या सभेला संबोधीत करताना गांधी म्हणाले "राहुल गांधी यांनी राजीव सातव यांच्या आठवणीला उजाळा दिला. ते म्हणाले राजीव सातव हे आपल्यात नाही. याचे दु:ख वाटते, यासाठी कि तो मित्र होता, त्यापेक्षा तो काम अधिक चांगला करत होता. माझी त्याची जेव्हा भेट व्हायची तेव्हा तुमचाच आवाज त्याच्या तोंडून निघायचा. तो आपलं कधी प्रश्न घेवीन माझ्याकडे आले नाही"

"आज आनंद आहे, त्यांची पत्नी पदयात्रेत दिवसभर सोबत चालल्या. ही यात्रा आम्ही कन्याकुमारी पासून सुरू केला आणि श्रीनगर पर्यंत जाणार आहे. आणि आमच्याकडे जो तिरंगा आहे. तो आम्ही श्रीनगर मध्ये फडकवणार आहे. आम्ही जेव्हा लोकसभेत, राज्यसभेत देशातील प्रश्नांवर बोलतो तेव्हा आमचे माईक बंद केले जातात" अशी खंत देखील त्यांनी बोलून दाखवली.