लातुरमध्ये भाजपला मोठा धक्का बसला आहे. भाजपचे माजी आमदार सुधाकर भालेराव यांनी भाजपाच्या सदस्यत्वासह सर्वच पदांचा राजीनामा देत आज शरद पवार यांच्या राष्ट्रवादी काँग्रेसमध्ये पक्षप्रवेश केला आहे. भाजपाची साथ सोडताना त्यांनी यापुढे ही मित्रांना भेटण्यासाठी येत राहील अशी प्रतिक्रिया दिली आहे. त्यामुळे आगामी निवडणुकीच्या दृष्टीकोनातून शरद पवार गटाची ताकद वाढल्याचं चित्र आहे.
सुधाकर भालेराव हे उदगीर राखीव मतदार संघातून भाजपचे सलग दोन वेळा आमदार राहिले आहेत. २०१९ च्या निवडणुकीत भाजपने त्यांना डावलून परभणीचे डॉक्टर अनिल कांबळे यांना उमेदवारी दिली होती. त्यांच्या विरोधात राष्ट्रवादीचे संजय बनसोडे हे विजयी झाले. संजय बनसोडे यांनी अजित पवार गटात प्रवेश केला व सध्या ते क्रीडामंत्री आहेत. आज सुधाकर भालेराव यांनी राष्ट्रवादी शरदचंद्र पवार पक्षामध्ये प्रवेश केला. आगामी विधानसभेच्या तोंडावर भाजपसाठी हा मोठा धक्का मानला जात आहे.
मिळालेल्या माहितीनुसार, राज्याच्या राजकारणात आगामी विधानसभा निवडणुकांचे वारे वाहू लागले आहेत. एकीकडे आगामी विधानसभेसाठी महायुतीने कंबर कसली असतानाच भाजपला मोठा धक्का बसला आहे. भाजप नेते आणि उदगीरचे माजी आमदार सुधाकर भालेराव यांनी भाजपला सोडचिठ्ठी देत शरद पवार यांच्या राष्ट्रवादीमध्ये प्रवेश केला आहे.
आज शरद पवार, महाराष्ट्र प्रदेशाध्यक्ष जयंत पाटील, आमदार राजेश टोपे यांच्या उपस्थितीत हा पक्षप्रवेश सोहळा पार पडला. तत्पुर्वी आज सकाळीच भालेराव यांनी भाजप सदस्यत्वाचा राजीनामा दिला. त्यानंतर त्यांनी शरद पवार यांच्या पक्षामध्ये जाहीर प्रवेश केला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.