मुंबई : आयआयटी मुंबईतील बीटेक अभ्यासक्रमाचा विद्यार्थी असलेल्या दर्शन सोलंकीच्या आत्महत्या प्रकरणाचा तपास आता एसआयटीकडे देण्यात आलेला आहे. पोलिसांना या प्रकरणी महत्त्वाचे धागेदोरे हाती लागले आहेत.
पवई आयआयटीत बी.टेक.च्या पहिल्या वर्षात शिकत असलेल्या विद्यार्थ्याने वसतिगृहात फेब्रुवारीच्या दुसऱ्या आठवड्यात आत्महत्या केली होती. हा विद्यार्थी वसतिगृहात रहात होता. आयआयटी पवईच्या वसतिगृहाच्या सातव्या मजल्यावरून उडी मारून या विद्यार्थ्याने आत्महत्या केल्याने आयआयटी परिसरात खळबळ उडाली होती.
हेही वाचाः नोकरदार असाल तर रोखीनंच घ्या कार
दर्शन सोलंकीच्या आत्महत्या प्रकरणाची एसआयटी चौकशीची मागणी राज्यसभेचे माजी खासदार भालचंद्र मुणगेकर यांनी केली होती. त्यानुसार आता याप्रकरणी एसआयटी चौकशी करीत आहे. पोलिसांना या प्रकरणात एक अपडेट मिळाली आहे.
मृत दर्शन सोलंकी याची सुसाईड नोट पोलिसांच्या हाती लागली आहे. पोलिसांच्या तपासामध्ये दर्शनला जातीवाचक टिपण्णी आणि धमकी दिल्याचं पुढे येत आहे. एका विद्यार्थ्यासोबत दर्शनने केलेलं व्हाट्सअप चॅट पोलिस तपासत आहेत.
कोण आहे दर्शन सोलंकी?
दर्शन सोलंकी हा मूळचा अहमदाबादचा राहणारा होता. आयआयटी पवईत बी.टेक. मेकॅनिकलच्या पहिल्या वर्षात शिकत होता. दर्शन घटनेपूर्वी तीन महिन्यांपूर्वीच शिक्षणासाठी मुंबईतील आयआयटीत दाखल झाला होता. सुरुवातीला कोणतीही सुसाईड नोट पोलिसांना मिळालेली नव्हती. दर्शनने आत्महत्या का केली? याचे कारण स्पष्ट झाले नाही. आत्महत्येपूर्वी दर्शनची सहामाही परीक्षा संपली होती. त्यानंतर रविवारी दर्शनने टोकाचं पाऊल उचललं.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.