नवाब मलिकांनी राजीनाम्या द्यावा या मागणीला घेऊन भाजप आक्रमक होताना दिसत आहे. यातच आज भाजपने नवाब मलिकांविरोधात आझाद मैदानावर मोर्चा काढला यावेळी त्यांनी "नवाब मलिक हटाओ, महाराष्ट्र बचाओ" अशी जोरदार घोषणाबाजी केली. आझाद मैदानावरुन मेट्रो सिनेमापर्यंत मोर्चा घेऊन जात असताना देवेंद्र फडणवीस सह अन्य भाजप कार्यकर्त्यांना पोलिसांनी ताब्यात घेतलं. यावरुन आता भाजप नेत्या चित्रा वाघ यांनी ट्वीट करत राज्य सरकारवर ताशेरे ओढले.

चित्रा वाघ ट्वीट करत म्हणाल्या, “सरकार आपल्याला घाबरते म्हणुन पोलिसांना समोर करते. फडणवीसजी आपण समोर जा. महाराष्ट्रातील जनता आपल्यासोबत आहे. आपण लढू आणि जिंकू पण.”