भाजपा नेते नारायण राणे आणि शिवसेना खासदार संजय राऊत यांच्यात सध्या चांगलीच जुंपली आहे. दरम्यान, संजय राऊतांनी दिलेलं चॅलेंज आता नारायण राणे यांनी स्विकारलं आहे. संजय राऊत राजकारणातला जोकर आहे अशी टीकाही त्यांनी केली आहे.
माध्यमांशी बोलताना भाजपा खासदार नारायण राणे यांनी संजय राऊतांवर टीका केली आहे. राणे यांनी वारंवर संजय राऊतांचा एकेरी उल्लेख केला आहे. ते म्हणाले, "मी शिवसेना संपवण्याची सुपारी घेतलेली नाही. ती घेतली आहे संजय राऊतने. त्याला आनंद होतोय की त्याने शिवसेना संपवली. त्याने सामाजिक, आर्थिक, धार्मिक असं कोणतंच काम केलेलं नाही."
सुरक्षा सोडून सामोरे या, असं आव्हान संजय राऊत यांनी राणेंना आव्हान दिलं होतं. यावर प्रतिक्रिया देताना नारायण राणे म्हणाले, "मला आज नाही, १९९० पासून संरक्षण आहे. मी आज ही सगळी सुरक्षा सोडून जायला तयार आहे. संजय राऊताच राजकारणात काही योगदान नाही. तो राजकारणातला जोकर आहे. त्याला शिव्या घालण्याशिवाय काहीही येत नाही"
राणे पुढे म्हणाले, "मी उद्धव ठाकरेंना भेटणार आहे आणि संजय राऊत जे बोलायचा ते सांगणार आहे. उद्धव आणि रश्मी त्यानंतर संजयला चपलेने झोडतील."
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.