पुणे : पिंपरी चिंचवडचे भाजप आमदार लक्ष्मण जगताप (Laxman Jagtap) यांना पुण्यातील बाणेर येथील खासगी रुग्णालयात दाखल करण्यात आले आहे. त्यांची प्रकृती स्थिर असल्याची माहिती भाजप आमदार महेश लांडगे यांनी दिली आहे. आमदार लक्ष्मण जगताप यांच्या प्रकृतीबद्दल आतापर्यंत कोणतीही माहिती जाहीर करण्यात येत नव्हती. मात्र, त्यांना रुग्णालयात दाखल करण्यात आल्याची माहिती समोर आली आहे. (BJP MLA Laxman Jagtap admitted to hospital)

आमदार लक्ष्मण जगताप (Laxman Jagtap) यांची प्रकृती अतिशय खालावल्यानंतर पहिल्यांदाच माहिती देण्यात आली आहे. त्यांच्या प्रकृतीविषयी भाजपचे पिंपरी-चिंचवड शहराध्यक्ष तसेच भोसरी विधानसभाचे आमदार महेश लांडगे यांनी माहिती दिली आहे.

लक्ष्मण जगताप यांच्यावर बाणेर येथील खासगी रुग्णालयात (admitted) उपचार सुरू आहे. तसेस त्यांच्या प्रकृतीत सुधारणा होत असल्याचे महेश लांडगे यांनी सांगितले. लवकर जगताप हे बरे होऊन कार्यकर्त्यांच्या भेटीसाठी समोर येतील, असेही महेश लांडगे म्हणाले.

आमदार लक्ष्मण जगताप यांची प्रकृती खाल्यावल्यानंतर रुग्णालयात दाखल करण्यात आले. यामुळे त्यांच्या प्रकृती विषयी उलट-सुलट चर्चा सुरू झाल्या आहेत. आमदार जगताप यांनी नुकतेच अमेरिकेमध्ये उपचार घेतले होते. त्यांच्या प्रकृतीत सुधारणा होत आहे. घाबरण्याचे कारण नाही. कार्यकर्त्यांनी घरीच थांबावे असे आवाहन आमदार महेश लांडगे यांनी केले आहे.

रुग्णालयात गर्दी करू नका

उपचारानंतर आमदार जगताप यांच्या प्रकृतीत सुधारणा होत आहे. दोन ते तीन दिवसांत लक्ष्मण जगताप यांना रुग्णालयातून घरी जाण्याची परवानगी देण्यात येईल. यामुळे कोणीही रुग्णालयात गर्दी करू नका, असे जगताप कुटुंबीयांनी प्रसिद्धीस दिलेल्या पत्रकात म्हटले आहे. तसेच हितचिंतक व कार्यकर्त्यांनी रुग्णालयात गर्दी न करण्याचे आवाहन आमदार महेश लांडगे यांनी केले आहे.