नागपूर : विधान परिषदेतील विरोधी पक्ष नेतेपदासाठी भाजपने प्रवीण दरेकर यांची निवड केली आहे. आमदार सुरजीतसिंह ठाकुर यांचे नाव अचानक मागे पडून दरेकर यांचे नाव पुढे आल्याने आश्चर्य व्यक्त केले जात आहे.
नागपूरमध्ये आजपासून (सोमवार) हिवाळी अधिवेशनाला सुरवात होत असून, मुख्यमंत्री उद्धव ठाकरे यांच्या नेतृत्वाखालील महाविकासाआघाडी सरकारची कसोटी लागणार आहे. विधानसभेतील विरोधी पक्षनेते देवेंद्र फडणवीस यांनी या सरकारला स्थगिती सरकार असे म्हटले आहे. आता विधान परिषदेत सरकारला घेरण्याची भाजपने तयारी सुरु केली असून, दरेकर यांच्या नेतृत्वाखाली भाजप आमदार सरकारवर टीका करताना दिसणार आहे.
सुरजीतसिंह ठाकुर यांच्या नावाला पक्षाचे अध्यक्ष अमित शाह यांनी संमती दिल्याचे सांगण्यात येत होते. पण, अचानक दरेकर यांचे नाव पुढे आले. विरोधी पक्षनेत्याची घोषणा दोन दिवसांपूर्वीच होणार होती. मात्र, पक्षाच्या नेत्या पंकजा मुंडे यांचा परळीतील मेळावा. त्याची राज्यभर झालेली चर्चा यामुळे निवडीचा विषय मागे पडला होता. आता ही निवड झाली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.