मुंबई - कर्नाटकातील धर्मनिरपेक्ष जनता दलाचे मुख्यमंत्री कुमारस्वामी यांचे सरकार पाडून भाजपच्या गोटात पळालेल्या १५ आमदारांपैकी बारा जणांनी पोटनिवडणुकीत विजय मिळवला आहे. यामुळे भाजपचे मुख्यमंत्री येडियुराप्पा यांचे सरकार तरले आहे.
कर्नाटकातील या यशाने राज्यातील भाजपचा आत्मविश्वास दुणावला आहे. महाविकास आघाडीचे सरकार फार काळ टिकणार नाही. या आघाडीतील शिवसेना, राष्ट्रवादी काँग्रेस, काँग्रेस या पक्षांतील नाराजांना गळाला लावून त्यांना पोटनिवडणुकीत विजयी करण्यासाठीचे नियोजन राज्य सरकारकडून आखले जात आहे. पक्ष पातळीवर तशी चर्चाही सुरू झाल्याचे बोलले जाते.
भाजपने आढावा बैठकांचे सत्र सुरू केले आहे. राज्यात पुन्हा निवडणुका झाल्या तर स्वबळावर सरकार स्थापन करता यावे, यासाठी तयारी हवी, असे भाजपचे म्हणणे आहे. राज्यात सर्वांत जास्त १०५ आमदार निवडून आल्यानंतरही सरकार स्थापन करू शकलेले नाही याचे शल्य भाजपला आहे. राष्ट्रवादी काँग्रेसचे नेते अजित पवार यांना गळाला लावून विरोधी पक्षनेते देवेंद्र फडणवीस यांनी सरकार स्थापन केले; मात्र बहुमताभावी या सरकारला पायउतार व्हावे लागले आहे. मुख्यमंत्री उद्धव ठाकरे यांचे सरकारही लवकरच गडगडेल, असा विश्वास भाजपच्या नेत्यांना वाटत असून, भाजपचे प्रवक्ते वारंवार याबाबत माध्यमांशी बोलत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.