केंद्रीय तपास यंत्रणा आणि राज्य सरकार यांच्यातीस संघर्ष मागच्या काही दिवसांपासून पाहायला मिळत आहे. या दरम्यान शिवसेना खासदार संजय राऊत (Sanjay Raut) यांनी आक्रमक भूमिका घेत भाजपवर टीका केली होती, त्यांनी नागपूर दौऱ्यानंतर पेनड्राईव्ह बाळंत झाले असून यांच्या घरात पेनड्राईव्ह बाळंत होतात का? असा सवाल करत आम्ही एकच कव्हर ड्राईव्ह काढू जो भाजप(BJP) ला भारी पडेल असा इशारा दिला , त्यावर भाजपचे नेते चंद्रकांत पाटील (Chandrakant Patil) यांनी जोरदार प्रत्युत्तर दिले आहे.
चंद्रकांत पाटील यांनी ट्वीट करत राऊतांच्या या विधानाला प्रत्युत्तर दिलं आहे. त्यांनी विधानसभा निवडणूकीत झालेल्या शिवसेनेच्या पराभवाची आठवण करुन देत "अहो संजय राऊत, आता झालेल्या निवडणुकीत तुम्ही मारलेला कव्हर ड्राईव्ह संपूर्ण देशाने पाहिला ,तुमचा कव्हर ड्राईव्ह नोटाच्या पुढे देखील जात नाही!" असा खोचक टोला लगवाला आहे.
काल राऊत यांनी भाजप वर जोरदार टीका केली होती, त्यांनी केंद्रीय तपास यंत्रणा आणि महाराष्ट्रातील विरोधी पक्षनेते यांची हातमिळवणी असल्याचे सांगत, त्यांच्या नागपूर दौऱ्यानंतर पेनड्राईव्ह बाळंत झाले आहेत. पण, माझे नागपूर आणि विदर्भाचे दौरे थांबणार नाही. भाजप रोज एक खोटं प्रकरण तयार करतं. यांना पेनड्राईव्हचं बाळंतपण कसं काय जमतं माहिती नाही. पेनड्राईव्ह टेस्ट ट्युब बेबी आहे का? असा सवाल देखील केला होता, यावर चंद्रकांत पाटील यांनी उत्तर दिलं आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.