उद्या देशाचे पंतप्रधान नरेंद्र मोदी मुंबई दौऱ्यावर येणार आहेत. त्यासाठी भाजपने आणि शिंदे गटाने जय्यत तयारी केली आहे. पंतप्रधानांच्या दौऱ्यामुळे मुंबईमधील वाहतूक व्यवस्थेमध्ये मोठे बदल केले आहे. दौरा सुरळीत पार पडावा म्हणून मुंबई पोलिसांनी देखील तयारी केली आहे.

दरम्यान उद्या महाराष्ट्र लोकसेवा आयोगाच्या उमेदवारांची चाळणी परीक्षा आहे. त्यामुळे MPSC ने नोटीस काढत उमेदवारांना वेळेत परीक्षा उपकेंद्रावर पोहचण्याचे आव्हान केले आहे.

नोटीसमध्ये लिहीलं आहे की, 'उद्या दि.१९ जाने.२०२३ रोजी मा.पंतप्रधानांच्या दौऱ्यामुळे मुंबईमधील वाहतूक व्यवस्थेमध्ये होणारे बदल विचारात घेऊन जा.क्र.३८/२०२२ व १४/२०२२ संवर्गाकरिता आयोजित चाळणी परीक्षेच्या उमेदवारांनी त्यांच्या प्रवासाचे योग्य नियोजन करुन उपकेंद्रावर विहित वेळेत उपस्थित राहण्याची दक्षता घ्यावी'

दरम्यान मोदी उद्या मेट्रो सातचे उद्घाटन करणार आहेत, त्यानंतर गुंदवली ते मोगरापाडा स्थानकादरम्यान प्रवास करणार आहेत. आणि एका जाहीर सभेला देखील संबोधित करणार आहेत.