राज्यात गेल्या काही दिवसांपासून सरकारी जाहिरातींवर होणाऱ्या खर्चावर विरोधकांनी आक्रमक भूमिका घेतली आहे. तर दुसरीकडे एका शहरात 10 दिवस पाणी नसताना आयुक्ताच्या वाढदिवसासाठी अडीच लाखांची वर्गणी काढल्याची धक्कादायक माहिती समोर आली आहे.( Chhatrapati Sambhajinagar municipal commissioner birth day contribution of two lakhs )

छत्रपती संभाजीनगरच्या मनपा आयुक्तांचा वाढदिवस कर्मचाऱ्यांकडून थाटात साजरा करण्यात आला. शहरात 10 दिवस पाणी नसताना वाढदिवसावर अडीच लाख खर्च केल्याची चर्चा सुरु आहे. त्यामुळे नागरिकांमध्ये संताप व्यक्त करण्यात येत आहे. (Latest Marathi News)

आयुक्ताच्या वाढदिवसासाठी अडीच लाखांची वर्गणी

छत्रपती संभाजीनगरचे मनपा आयुक्त जी. श्रीकांत यांचा वाढदिवस थाटामाटात साजरा करण्यासाठी जोरदार तयारी करण्यात आली होती. यासाठी मनपा कर्मचारी आणि अधिकाऱ्यांनी जवळपास अडीच लाखांची वर्गणी देखील काढल्याची देखील चर्चा आहे.(Latest Marathi News)

स्मार्ट सिटी कार्यालयात रेड कार्पेट, त्यावर गुलाबाच्या फुलांचा सडा, शानदार फेटे, सुंदर रांगोळी, जेवणासाठी उत्तम पदार्थ आणि शुभेच्छा देण्यासाठी अधिकाऱ्यांच्या रांगा असं दृश्यं संभाजीनगरमध्ये काल पाहायला मिळालं. (Marathi Tajya Batmya)

नागरिक संतप्त

संभाजीनगर शहराच्या अनेक भागांमध्ये दहा-दहा दिवस पाणी येत नाही.हीच तत्परता जर शहराच्या समस्या सोडवण्यात दाखवली, तर काही महिन्यांत संभाजीनगर शहराचा चेहरामोहराच बदलून जाईल, अशी भावना नागरिक व्यक्त करत आहेत.