हिंदूंनी छत्रपती शिवाजी महाराजांना (Chhatrapati Shivaji Maharaj) सेक्युलर ठरवून काय उपयोग? इतर धर्मीय तसं समजतात का? असा सवाल ब्राम्हण महासंघाचे अध्यक्ष आनंद दवे (Anand Dave) यांनी उपस्थित केला आहे. यावेळी बोलताना दवे यांनी अनेक प्रश्न उपस्थित केले आहेत.

काय म्हणाले आनंद दवे...

मुस्लिम लोक शिवजयंती ला येतात का? किती मशीदित महाराजांचे फोटो आहेत? असा सवाल करत, छत्रपती शिवाजी महाराजांचं राज्य हिंदवीच आणि हिंदूंसाठीच असल्याचं त्यांनी सांगितलं. प्रत्येक किल्ल्यावर मंदिर बांधणाऱ्या राजांनी पूर्ण कारकिर्दीत एकही मशीद बांधली नाही. कोणत्याही मशीदीला नवीन इनामे दिली नाहीत. महाराजांनी इनाम बंद केल्याचं पुरंदरच्या काझींचं लेखी पत्र आजही उपलब्ध आहेत. गोव्यातील मशीद पाडून पुन्हा तेथे सप्तकोटिश्वर चे मंदिर बांधले, तसेच अगदी तिकडे तामिळनाडूत सुद्धा केले. कल्याण, डोंबिवली येथील चर्च चे गोडाउन मध्ये रूपांतर केल्याचं फ्रायर च्या अंकात नमूद केलं आहे. छत्रपती शिवाजी महाराजांनी मुस्लिम धर्माची वाट लावली असं आदिल शाहचं कन्होजी जेधेंना पत्र आहे. आत्ता हे हिंदू राष्ट्र झालं आहे : हाडकोरण या गावात शिलालेख आहेत. नेताजी पालकर, बाबाजी निंबाळकर यांना पुन्हा हिंदू धर्मात घेतलं. स्वराज्य स्थापनेनंतर 1658 पासून एक सुद्धा मुस्लिम सैनिक सैन्यात नव्हता. महाराजांना सेक्युलर समजणाऱ्या प्रत्येक फेक्युलरचे सर्व मुद्दे सहज खोडून काढता येतील अशी कागदपत्रे आज सुद्धा उपलब्ध आहेत.

दरम्यान, हिंदूच नाही तर देशातील कोणत्याही धर्माचा, कोणताही नागरिक आज सुद्धा महाराजांना हिंदू राजाच मानतो असं वक्तव्य देखील त्यांनी केलं आहे.