मुंबई - सिडकोच्या कामात प्रचंड अनागोंदी व अनियमितता असून, मोठा भ्रष्टाचार झाल्याचे महालेखापालांच्या (कॅग) आजच्या अहवालातून सिद्ध झाले आहे. फडणवीस सरकारने टेंडरच्या माध्यमातून जनतेचा पैसा लुबाडला आहे. स्वच्छ व पारदर्शक कारभाराचा टेंभा मिरवणाऱ्या देवेंद्र फडणवीस सरकारचा बुरखा या अहवालामुळे टराटरा फाडला आहे, अशी खरमरीत टीका महाराष्ट्र प्रदेश काँग्रेस कमिटीचे सरचिटणीस व प्रवक्ते सचिन सावंत यांनी आज केली.

ताज्या बातम्यांसाठी डाऊनलोड करा ई-सकाळचे ऍप 

सावंत म्हणाले की, सिडकोच्या माध्यमातून नवी मुंबईत होत असलेले आंतरराष्ट्रीय विमानतळ व इतर अशा २००० कोटी रुपयांच्या कामांमध्ये सर्व नियम धाब्यावर बसवून गैरव्यवहार करण्यात आला आहे. सिडकोचे काम थेट मुख्यमंत्री कार्यालयाच्या मार्गदर्शनाखाली होत असताना एवढा मोठा गैरव्यवहार झालाच कसा. या गैरव्यवहारातील मास्टर माइंड कोण आहे, तेही आता समोर आले पाहिजे, अशी मागणी सावंत यांनी या वेळी केली.

राज्यात २०१९ मध्ये कर्करोगाचे गेले इतके बळी

कंत्राटदारच अध्यक्ष कसा? 
कामाचा अनुभव नसलेल्या कंत्राटदाराला ८९० कोटींची कामे दिली गेली. सिडकोचा कंत्राटदारच सिडकोचा अध्यक्ष कसा काय होऊ शकतो, हे आम्ही सरकारला विचारले होते. त्याकडेही दुर्लक्ष करण्यात आले. ५० कोटी रुपयांपेक्षा जास्त कामाच्या निविदा राष्ट्रीय वर्तमानपत्रांमध्ये जाहिराती न देता काढण्यात आल्या. तर ४३० कोटी रुपयांच्या दहा कामांमध्ये मार्गदर्शक तत्त्वांचे उल्लंघन करण्यात आल्याचा ठपकाही ठेवण्यात आला आहे. हे गंभीर असून सिडकोमधील हा गैरव्यवहार हिमनगाचे एक टोक आहे, असा आरोप सांवत यांनी केला.

बदलत्या हवामानाची डोकेदुखी; तापमानातील चढउतारामुळे पुणेकर हैराण