सिंधुदुर्ग : शिंदे आणि ठाकरे गटातील राजकीय संघर्ष आता मैदानात देखील पाहायला मिळत आहे. शिवसेनेतील बंडानंतर सेनेचे दोन गट निर्माण झाले आहेत. त्यामुळे कार्यकर्ते आक्रमक आहेत. दोन्ही गटातील नेते एकमेकांवर शाब्दिक हल्ले करत असतात.

दरम्यान हे दोन गट आता मैदानावर देखील आमने-सामने येत आहे. कणकवलीत ठाकरे-शिंदे गटात मोठा राडा झाला. त्यामुळे पोलिसांचा तगडा बंदोबस्त लावण्यात आला आहे. 

सिंधुदुर्गच्या कणकवलीत शिंदे गट आणि ठाकरे गटात मोठा राडा झाला आहे. कणकवलीतील कनेडी गावातील पदाधिकाऱ्यांमध्ये बाचाबाची झाली. यामुळे मोठा तनाव निर्माण झाला होता. दरम्यान मोठा पोलीस बंदोबस्त तैनात करण्यात आला आहे. यावेळी पोलिसांनी दोन्ही गटाच्या कार्यकर्त्यांना थांबवण्याचा प्रयत्न केला. 

यापूर्वी मुंबईतील गणेश विसर्जनादरम्यान देखील ठाकरे आणि शिंदे गटांमध्ये राडा झाला होता. या राड्याच्या वेळी गोळीबार देखील झाला होता. ही गोळी एकनाथ शिंदे गटाचे आमदार सदा सरवणकर यांच्याच पिस्तुलातून सुटल्याचं बॅलेस्टिक अहवालातून समोर आलं होतं.