मुंबई : राष्ट्रपतीपदाच्या निवडणुकीत एनडीएच्या उमेदवार द्रौपदी मुर्मू यांना महाराष्ट्रातून २०० मतं मिळवून देऊ असा निर्धार मुख्यमंत्री एकनाथ शिंदे यांनी केला होता. पण त्याचं हे 'मिशन 200' फेल झाल्याचं आता स्पष्ट झालं आहे. त्याची आकडेवारीही समोर आली आहे, याचं गणित काय? ते समजून घेऊयात. (CM Eknath Shinde mission 200 failed in presidential election)

शिवसेनेतून बंडखोरी केल्यानंतर एकनाथ शिंदे यांनी भाजपच्यामदतीनं नव सरकार स्थापन केलं. यासाठी जेव्हा विधानसभेत नव्या शिंदे-फडणवीस सरकारचा विश्वासदर्शक ठराव मंजूर झाला. तेव्हा शिंदे सरकारला १६४ मतं मिळाली होती, तर विरोधकांना ९९ मतं. दरम्यान, आज राष्ट्रपतीपदाच्या निवडणुकीत संपूर्ण शिवसेनेनं मुर्मू यांना पाठिंबा दिल्यानंतर शिंदे गटाकडे १८५ मत अपेक्षित होती. यामध्ये शिंदे गटातील एक आमदार मतदान करु शकला नाही, त्यामुळे एक मत वजा होता १८४ मतं त्यांच्याकडं होती तर विरोधकांकडे ९९ मतं.

पण आता शिंदे गटाला १८१ मतं मिळाली तर विरोधी गटाला ९८ म्हणजे विरोधी पक्षातील एक मत कमी झालं. पण शिवसेनेनं पाठिंबा दिल्यावरही NDA १८४ आकडा गाठू शकलं नाही, कारण महाराष्ट्रातील चार मतं बाद झाली. यामुळं मुख्यमंत्र्यांचं मिशन २०० फेल झाल्याचं स्पष्ट झालं आहे.