जालना - पूर्वाश्रमीचे काँग्रेसनेते अब्दुल सत्तार काँग्रेसमध्ये असतानाच भाजपमध्ये जाण्यासाठी प्रयत्नशील होते. मात्र सिल्लोड मतदार संघ शिवसेनेकडे असल्यामुळे आणि भाजपच्या स्थानिक नेत्यांच्या विरोधामुळे सत्तार यांना शिवसेनेत जावं लागलं. शिवसेनेत गेलेल्या सत्तार यांना महाविकास आघाडीमध्ये राज्यमंत्रीपदही मिळाले होते. मात्र एकनाथ शिंदे यांनी केलेल्या बंडात सामील होऊन सत्तार आता कॅबिनेट मंत्री बनले आहेत. मात्र काँग्रेसचे आमदार कैलास गोरंट्याल यांनी सत्तार यांच्यावर कडाडून टीका केली आहे. (Abdul Sattar news in Marathi)
अब्दुल सत्तार म्हणाले की, अब्दुल सत्तार कोणाचेच होऊ शकत नाही. माणिकदादा पालोदकर यांनी सत्तार यांना नगराध्यक्ष केलं ते त्यांचे झाले नाही. मी विधान परिषद सदस्य केलं, माझे झाले नाही, विलासराव देशमुखांचे झाले नाही. नारायण राणेंचे झाला नाही, उद्धव ठाकरेंनी मंत्री केलं त्यांचे झाले नाही. मग एकनाथ शिंदेंचे काय होणार, असा सवाल गोरंट्याल यांनी केला.
अब्दुल सत्तार म्हणजे 'जिधर डम-डम उधर हम-हम', अशी खोचक टीकाही गोरंट्याल यांनी केली. गोरंट्याल हे काँग्रेसचे जालना मतदार संघाचे आमदार आहेत.
शिवसेनेत बंडखोरी केल्यापासून अब्दुल सत्तार चर्चेत आले आहेत. शिंदे सरकारमध्ये सत्तार यांची कॅबिनेट मंत्रीपदी वर्णी लागली असून त्यांच्याकडे कृषी मंत्रालयाची जबाबदारी देण्यात आली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.