Nashik Graduate Election : नाशिकच्या शिक्षक मतदारसंघाच्या निवडणूकीकडे सर्व राज्याचे लक्ष लागले आहे. काही दिवसांपासून चर्चेत असलेल्या या प्रकरणात अखेर काँग्रेसने सत्यजीत तांबे यांचे वडिल सुधीर तांबे यांच्यावर शिस्तभंगाची कारवाई करत त्यांना पक्षातून निलंबित केलं आहे.

कॉंग्रेसने त्यांच्या नावाची अधिकृत उमेदवार म्हणून घोषणा करण्यात आली होती, त्यांना एबी फॉर्म देखील देण्यात आला होता. तरी देखील त्यांनी उमेदवारी अर्ज भरला नाही, याच पार्श्वभूमिवर सत्यजीत तांबेंचे वडिल सुधीर तांबे यांना निलंबित करण्यात आले आहे.

नाशिक पदवीधर मतदारसंघासाठी काँग्रेसने सुधीर तांबे यांची अधिकृत घोषणा केली, पण त्यांनी ऐनवेळी उमेदवारी अर्ज न भरता त्यांचे पुत्र सत्यजित तांबे यांनी अपक्ष अर्ज भरला. त्यामुळे काँग्रेस पक्षाने ही कारवाई केली असल्याचं पत्र जारी करण्यात आलं आहे. चौकशी पूर्ण होईपर्यंत सुधीर तांबे हे पक्षातून निलंबित असणार आहेत.