मुंबई : युक्रेन-रशिया युद्धाच्या (Ukraine Russia War) पार्श्वभूमीवर युक्रेनमध्ये असलेल्या महाराष्ट्रातील लोकांशी (People of Maharashtra) संपर्क साधण्याचा प्रयत्न करा, असे आदेश मुख्यमंत्री उद्धव ठाकरे (Uddhav Thackeray) यांनी मुख्य सचिवांना दिले आहेत. मुख्यमंत्री कार्यालयाकडून याबाबत माहिती देण्यात आली आहे. (Contact Maharashtrian who are in Ukraine CM Uddahv Thacekray order to Chief Secretary)

रशिया-युक्रेन पेचप्रसंगावर चिंता व्यक्त करताना मुख्यमंत्री उद्धव ठाकरे यांनी युक्रेनमधील महाराष्ट्रातील लोकांच्या सुरक्षेवरुन चिंता व्यक्त केली आहे. उद्योग, शिक्षण आणि व्यापारासाठी राज्यातून इथं अनेक लोक स्थलांतरित झाले आहेत. या पार्श्वभूमीवर मुख्यमंत्र्यांनी मुख्य सचिवांना आदेश दिले की, त्यांनी केंद्राशी समन्वय साधत तिथल्या मराठीजनांच्या संपर्कात रहावं.