मुंबई : राज्यात सक्रिय रुग्णांची संख्या 20 हजाराच्या आत आली असून ही संख्या 19,480 वर पोहोचली आहे. तसेच दैनंदिन रुग्णसंख्येत वाढ झाली असून आज 1,485 बाधित रुग्णांची नोंद झाली. मृतांचा आकडाही काहीसा वाढला असून आज 38 रुग्णांच्या मृत्यूंची नोंद झाली. मृतांचा एकूण आकडा 1,40,098 इतका झाला आहे. राज्यातील मृत्यूदर 2.12 टक्क्यांवर पोहोचला आहे.

राज्यातील करोनाबाधित रुग्णांची एकूण संख्या 66,06,536 झाली आहे. कालच्या तुलनेत आज बाधित रुग्ण वाढले आहेत. तर 2536 रुग्ण बरे होऊन घरी गेले. कोरोनातून बरे होणाऱ्या रुग्णांची संख्या 64,43,342 इतकी आहे. राज्यातील रुग्ण बरे होण्याचे प्रमाण वाढून 97.53 टक्के एवढं झालं आहे.

अकोला, नागपूर, औरंगाबाद मंडळात एकाही मृत्यूची नोंद झाली नाही. तर ठाणे 17, नाशिक 8, पुणे 8, कोल्हापूर 2 आणि लातूरमध्ये 3 मृत्यू नोंदवले गेले. सध्या राज्यात 1,72,600 व्यक्ती होमक्वारंटाइन आहेत तर 933 व्यक्ती संस्थात्मक क्वारंटाइन आहेत.