मुंबई Coronavirus : गेल्या दोनतीन दिवसांत राज्यातील कोरोना रुग्णांची संख्या कमी झाल्याने दिलासादायक चित्र निर्माण झाले होते; मात्र रविवारी राज्यात तब्बल 552 नव्या रुग्णांची नोंद झाली. त्यामुळे राज्यातील रुग्णांचा आकडा चार हजाराच्या वर गेला आहे.
दरम्यान, आज दिवसभरात 12 रुग्णांचा मृत्यू झाला. राज्यात आतापर्यंत 507 कोरोनाबाधित रुग्ण आजारातून बरे झाले असून त्यांना घरी सोडण्यात आले. राज्यात आज झालेल्या मृत्यूपैकी मुंबई येथील 6, मालेगाव येथील 4; तर सोलापूर 1 आणि जामखेड (अहमदनगर) येथील एका रुग्णाचा समावेश आहे. आज झालेल्या मृत्यूंपैकी 4 पुरुष; तर 8 महिला आहेत. आज झालेल्या 12 मृत्यूंपैकी 60 वर्षे किंवा त्यावरील 6 रुग्ण आहेत; तर 5 रुग्ण हे वय वर्षे 40 ते 60 या वयोगटातील आहेत; तर एक रुग्ण 40 वर्षांखालील आहे. त्यामुळे राज्यात झालेल्या मृत्यूंची संख्या आता 223 झाली आहे.
पुण्याच्या बातम्या वाचण्यासाठी येथे ► क्लिक करा
आजपर्यंत पाठवण्यात आलेल्या 72,023 नमुन्यांपैकी 67,673 जणांचे प्रयोगशाळा नमुने करोनाकरता निगेटिव्ह आले आहेत; तर 4200 जण पॉझिटिव्ह आले आहेत. राज्यातील ज्या भागात रुग्णांचे क्‍लस्टर सापडले आहेत, त्या ठिकाणी केंद्र सरकारच्या मार्गदर्शनानुसार क्‍लस्टर कंटेनमेंट कृतियोजना अमलात आणण्यात येत आहे. राज्यात सध्या 368 कंटेनमेंट झोन क्रियाशील असून आज एकूण 6359 सर्वेक्षण पथकांनी काम केले असून त्यांनी 23.97 लाख लोकसंख्येचे सर्वेक्षण केलेले आहे. दरम्यान, आजपर्यंत 507 रुग्णांना ते बरे झाल्याने घरी सोडण्यात आले आहे. सध्या राज्यात 87,254 लोक होम क्वारंटाईनमध्ये असून 6,743 लोक संस्थात्मक क्वारंटाईनमध्ये आहेत.
पुण्याच्या बातम्या वाचण्यासाठी येथे ► क्लिक करा
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.