मुंबई : आज राज्य मंत्रिमंडळाची बैठक पार पडली. महाराष्ट्राचे गृहमंत्री अनिल देशमुख यांनी आज मंत्रिमंडळ बैठकीनंतर पत्रकार परिषद घेतली. पत्रकार परिषदेमध्ये अनिल देशमुख यांनी 'शक्ती' कायद्याबाबत माहिती दिली आहे.

पत्रकार परिषदेत अनिल देशमुख म्हणालेत की, "महिला आणि मुलींवर जे अत्याचार होतात यावर प्रतिबंध घालण्यासाठी शक्ती कायद्यासंदर्भात आज मंत्रिमंडळ बैठकीत चर्चा झाली. महिला आणि मुलींवर जे अत्याचार होतात त्यासंदर्भातील खटले फास्ट ट्रॅकनुसार निकाली काढत अशा आरोपींना लवकरात लवकर शिक्षा देता येईल, यावर आज चर्चा झाली. दरम्यान, या प्रस्तावाला मंत्रिमंडळाने परवानगी दिली आहे आणि विधिमंडळात हा कायदा पास झाल्यानंतर पुढील प्रक्रियेसाठी केंद्राकडे पाठवण्यात येईल. 

महत्त्वाची बातमी : 'ग्लोबल टीचर' पुरस्कार विजेते रणजितसिंह डिसले कोरोना पॉझिटिव्ह; मुख्यमंत्र्यांसह अनेक मान्यवरांची घेतली होती भेट

काय 'शक्ती' कायद्यातील प्रस्तावित मुद्दे :  

• महिला आणि मुलींवरील अत्याचाराचा तपास १५ दिवसात होणं गरजेचं 
• ३० दिवसात त्यासंबंधीचा खटला चालवला जावा 
• खटला संपल्यावर त्यावरील निकाल तात्काळ यावा
• निकाल आल्यानंतर दोषींवर कायदेशीर कारवाई केली जावी 
• याआधी अशा खटल्यानंतर जन्मठेपेची शिक्षा सुनावली जायची, मात्र या कायद्यामध्ये फाशीची शिक्षा प्रस्तावित

मुंबईतील  सर्व महत्त्वाच्या बातम्यांसाठी इथे क्लिक करा । Marathi News From Mumbai 

दरम्यान, महाराष्ट्र राज्य मंत्रिमंडळाच्या बैठकीत या कायद्याला मंजुरी मिळालेली आहे. आता विधानसभेत यावर चर्चा होणार आहे. विधानसभेत चर्चा झाल्यानंतर हा कायदा केंद्राकडे मंजुरीकडे पाठवण्यात येईल त्यानंतर हा शक्ती कायदा राष्ट्रपतींकडे मंजुरीसाठी पाठवण्यात येईल.  

crime against women maharashtra cabinet approves shakti law in cabinet meeting