Deepak Kesarkar News esakal
महाराष्ट्र बातम्या

मुख्यमंत्र्यांचे 'ते' शब्द आठवताच दीपक केसरकरांना हुंदका आवरता आला नाही!

'एवढ्या मोठ्या मनाचा माणूस मी आजपर्यंत बघितला नाही.'

सकाळ डिजिटल टीम

'एवढ्या मोठ्या मनाचा माणूस मी आजपर्यंत बघितला नाही.'

सिंधुदुर्ग : राज्याच्या राजकारणात एकनाथ शिंदे आणि शिवसेनेच्या 40 आमदारांनी केलेल्या बंडखोरीमुळं उद्धव ठाकरे यांना मुख्यमंत्रिपदाचा राजीनामा द्यावा लागला. तब्बल 50 आमदारांनी महाविकास आघाडीविरोधात (Mahavikas Aghadi) भूमिका घेतल्यानं सरकार अल्पमतात आलं. एकनाथ शिंदे यांच्या भूमिकेमुळं उद्धव ठाकरे (Uddhav Thackeray) यांच्यावर केवळ सरकार नव्हे, तर शिवसेना कुणाची हे दाखवण्याची वेळ आलीय.(Deepak Kesarkar News)

दरम्यान, सिंधुदुर्गमधील आमदार आणि बंडखोर गटाचे प्रवक्ते दीपक केसरकर (Deepak Kesarkar) हेदेखील मंगळवारी सावंतवाडी मतदारसंघात (Sawantwadi Constituency) दाखल झाले. समर्थकांनी 'दीपक केसरकर आगे बढो, हम तुम्हारे साथ है' अशी घोषणाबाजी करत केसरकर यांचं भव्य स्वागत केलं. यावेळी माध्यमांशी बोलताना मुख्यमंत्री एकनाथ शिंदे (Eknath Shinde) यांच्यासोबतचा संवाद सांगताना दीपक केसरकर हे काहीसे भावूक झाले. 'मी माझ्या मतदारसंघात जाणार असल्याचं जेव्हा मुख्यमंत्र्यांना सांगितलं, तेव्हा लगेच आवश्यकता असेल तर मीही तुमच्यासोबत येतो, असं म्हणत मुख्यमंत्र्यांनी स्वत:ही माझ्यासोबत येण्याची तयारी दर्शवली.

एवढ्या मोठ्या मनाचा माणूस मी आजपर्यंत बघितला नाही. ज्यानं आपल्या गटाचं प्रतिनिधित्व केलं, आपली ज्यानं बाजू मांडली त्याच्याबरोबर मी सुद्धा त्याच्या मतदारसंघामध्ये गेलं पाहिजे, अशी जर भावना कुठला मुख्यमंत्री ठेवत असतील तर ते महाराष्ट्राला खऱ्या अर्थानं न्याय देऊ शकतो,' असं केसरकर म्हणाले. यावेळी बोलताना केसरकर यांना हुंदका आवरता आला नसल्याचंही पाहायला मिळालं. दरम्यान, गुरूपौर्णिमेच्या पूर्वसंध्येला मतदारसंघात दाखल झालेल्या दीपक केसरकर यांनी त्यांच्या निवासस्थानी साईंच्या पालखीची पूजा केली. त्यानंतर सावंतवाडीतून शिंदे गटाचे प्रतिनिधित्व करण्यासाठी एनडीएच्या बैठकीसाठी दिल्लीला रवाना झाले.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

India suspends postal service to US: भारताने घेतला मोठा निर्णय! आता अमेरिकेसाठी ‘पोस्टल सर्विस’ बंद

National Space Day : भारताची भविष्यातली अंतराळ झेप कशी असेल? इस्रोच्या महत्वाकांक्षी मोहिमांची A टू Z माहिती, वाचा एका क्लिकवर

Latest Marathi News Updates : मनोज जरांगे यांच्या मुंबई आंदोलनाच्या तयारीसाठी आज जालन्यात मराठा समाजाची महत्वाची बैठक

BEST Bus: गणेशोत्सवासाठी बेस्टची मोठी घोषणा, रात्री चालणार विशेष गाड्या; कधी आणि कुठे? जाणून घ्या

ODI World Cup 2027 साठी ठिकाणं ठरली! 'या' शहरांमध्ये खेळवले जाणार सामने

SCROLL FOR NEXT