शिवसेना नेते संजय राऊत (Sanjay Raut) यांनी आम्ही तुमच्या घरात घुसलो, तर तुम्हाला नागपूरलाही जाता येणार नाही, अशी धमकी देवेंद्र फडणवीसांना (Devendra Fadnavis) दिली. यावर देवेंद्र फडणवीस यांनी संजय राऊत यांच्या या वक्तव्यामुळे आमची करमणूक झाली अशी प्रतिक्रिया दिली.

देवेंद्र फडणवीस म्हणाले, “संजय राऊत यांच्या या वक्तव्यामुळे आमची करमणूक झाली. यापेक्षा या वक्तव्याकडे पाहता येत नाही. रोज सकाळी 9 वाजत करमणुकीचा एक एपिसोड संजय राऊत करत असतात, त्यामुळे यावर फार काही असे बोलावे असे वाटत नाही.”

शेर कभी गिधडो के धमकीसे डरा नही करते, असा टोला सुध्दा फडणवीसांनी संजय राऊतांवर लगावला. सोबत राऊत सध्या विक्टीम कार्ड खेळण्याचा प्रयत्न करत आहे, असेही फडणवीस म्हणाले. भाजप (BJP) महाराष्टमध्ये विरोधी पक्षाच्या भूमिकेत प्रखरतेने काम करेल आणि आम्ही पूर्ण शक्तीने महाराष्ट्रात सरकार स्थापन करू, असा विश्वासही त्यांनी बोलून दाखवला.