राज्यभरात अवकाळी पावसाने थैमान घातले आहे. या अवकाळी पावसाने उत्तर महाराष्ट्र, कोकणात हजेरी लावली तर आता मराठवाड्यात ढगाळ वातावरणामुळे अवकाळी पाऊस पडण्याची दाट शक्यता आहे. उन्हाळ्याची चाहूल लागलेली असताना या अवकाळी पावसाने शेतकऱ्यांच्या चिंतेत भर टाकली आहे.

गेल्या ७ मार्चपासून राज्याच्या विविध भागात अवकाळी पाऊस सुरु आहे. सुरवातीला सुरवातीला उत्तर महाराष्ट्र त्यानंतर कोकणात अवकाळी पाऊस बरसला तर आता मराठवाड्यात अवकाळी पाऊस पडण्याची शक्यता वर्तवण्यात आली आहे. औरंगाबाद जिल्ह्यात काही ठिकाणी पावसाच्या सरी बरसल्या तर लातूर, उस्मानाबाद, बीड जिल्ह्यामध्येसुध्दा ढगाळ वातावरण आहे.

अवकाळी पावसाने नाशिकमधील द्राक्ष बागा, कोकणाती आंबा व काजू बागांचे नुकसान केले आता मराठवाड्यातील रब्बी हंगामीतील सर्वच पीके अंतिम टप्प्यात असताना इथे जर अवकाळी पावसाच्या सरी बरसल्या तर रब्बी पिकांचे मोठ्या प्रमाणात नुकसान होईल त्यामुळे शेतकऱ्यांच्या चिंतेत भर पडलेली आहे.