बॉलिवूड अभिनेत्री शिल्पा शेट्टीचा पती आणि बिझनेसमन राज कुंद्राविरोधात ईडीने गुन्हा दाखल केला आहे. पॉर्न रॅकेट प्रकरणाशी संबंंधित त्याच्यावर हा गुन्हा नोंद करण्यात आल्याचं समोर येत आहे. सध्या जामीनावर बाहेर असलेल्या राज कुंद्राला पॉर्न रॅकेट प्रकरणी २०२१ मध्ये अटक झाली होती. राज कुंद्रा या प्रकरणात जामिनावर बाहेर आहेत. आता याप्रकरणाच ईडीने गुन्हा नोंद केल्यामुळे चर्चांना उधाण आलं आहे.

या कारवाईमुळे उद्योगपती राज कुंद्रा (Businessman Raj Kundra) याच्या अडचणी पुन्हा एकदा वाढल्या आहेत. अंमलबजावणी संचालनालयाने राज कुंद्राविरुद्ध (Raj Kundra) गुन्हा नोंद केला आहे. अंमलबजावणी संचालनालयाने (Enforcement Directorate) राज कुंद्राविरुद्ध फेमा (फॉरेन एक्सचेंज मॅनेजमेंट अॅक्ट) अंतर्गत गुन्हा दाखल केला आहे. त्यामुळे या दोघा पती पत्नीच्या अडचणीत आणखी वाढ होणार असल्याचे बोलले जात आहे.

फेब्रुवारी 2019 मध्ये, राज कुंद्राने आर्म्स प्राइम मीडिया लिमिटेड नावाची कंपनी स्थापन केली आणि हॉटशॉट्स नावाचे अॅप विकसित केले. यूकेस्थित कॅनरीन कंपनीचे सीईओ प्रदीप बक्षी हे खरे तर राज कुंद्राचे मेहुणे आहेत. मात्र या हॉटशॉट्स अॅपच्या देखभालीसाठी राज कुंद्राच्या कंपनी विहानने केनरिन कंपनीशी करार केला होता. तसंच या देखभालीसाठी विहान कंपनीच्या 13 बँक खात्यांमध्ये लाखो रुपयांचे व्यवहार झाले.