मुंबई : राज्यातील भाजपच्या ज्येष्ठ नेत्यांपैकी एक म्हणून एकनाथ खडसे यांचे नाव घेतले जाते. देवेंद्र फडणवीस यांच्या सरकारमधून पायउतार व्हावे लागल्यानंतर एकनाथ खडसे यांच्याकडे कोणतेही पद नव्हते. त्यानंतर आता राज्यात शिवसेना-राष्ट्रवादी-काँग्रेसच्या महाविकासआघाडीचे सरकार स्थापन होत आहे. त्यापूर्वी एकनाथ खडसे शिवसेनेत प्रवेश करणार असल्याच्या चर्चा सुरु आहेत. मात्र, त्याबाबतचे वृत्त खुद्द एकनाथ खडसे यांनी फेटाळून लावले.
राज्यातील फडणवीस-2 सरकार कोसळल्यानंतर एकनाथ खडसे यांनी काल (बुधवार) पक्षाला घरचा आहेर दिला. पक्षातील वरिष्ठ नेत्यांची तिकिटे कापल्याने विश्वासात न घेतल्यानेच भाजपला सत्ता गमवावी लागली, असे अप्रत्यक्षपणे वक्तव्य एकनाथ खडसे यांनी केले होते. तसेच भाजपने सर्वांना सोबत घेऊन निवडणूक लढवली असती तर 25 जागा वाढल्या असत्या, अशा शब्दांत एकनाथ खडसेंनी आपली नाराजी व्यक्त केली.
शिवसेना प्रवेशाबाबत एकनाथ खडसे म्हणाले, मी भाजपमध्ये असून, शिवसेनेत प्रवेश करण्याचा प्रश्नच उद्भवत नाही. आजच्या शपथविधी सोहळ्याच्या कार्यक्रमासाठी आदित्य ठाकरे यांनी निमंत्रण दिलं आहे.
आदित्य ठाकरेंची भेट
एकनाथ खडसे यांनी काल (बुधवार) शिवसेनेचे युवासेनाप्रमुख आदित्य ठाकरे यांची भेट घेतली होती. त्यामुळे एकनाथ खडसे शिवसेनेत प्रवेश करणार का? असा प्रश्न पुन्हा एकदा उपस्थित झाला होता. मात्र, आता एकनाथ खडसे यांनी याबाबत स्पष्टीकरण देत सर्व चर्चांना पूर्णविराम दिला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.