मुंबई - राज्याच्या सत्तांतराच्या केंद्रस्थानी राहिलेल्या गुवाहाटीचं स्थान मुख्यमंत्री एकनाथ शिंदे आणि समर्थक आमदार यांच्यासाठी वेगळंच आहे. राज्यात सत्तांतर झाल्यानंतर पुन्हा एकदा एकनाथ शिंदे (बाळासाहेबांची शिवसेना) पक्षाचे आमदार आणि खासदार सहकुटुंब आज मुख्यमंत्री एकनाथ शिंदे यांच्या सोबत कामाख्या देवीच्या दर्शनासाठी गेले आहेत. दर्शनानंतर एकनाथ शिंदे यांनी माध्यमाशी संवाद साधला. (Eknath Shinde news in Marathi)

एकनाथ शिंदे म्हणाले की, आज कामाख्या देवीच दर्शन घेतलं. मनोभावे सर्वांनी दर्शन घेतलं. सर्वांना आनंद आहे. खऱ्या अर्थाने कामाख्या देवीच्या आशीर्वादाने महाराष्ट्रावरील संकट दूर व्हावं. शेतकऱ्यांसह सर्व घटकांना सुख-समाधान मिळावं यासाठी आम्ही आलोय. आसामच्या मुख्यमंत्र्यांनी आमच्या स्वागतासाठी तीन मंत्र्यांना पाठवलं होतं. आसामचे मुख्यमंत्री आणि आसाम सरकारचे धन्यवाद.

शिंदे पुढं म्हणाले की, आसाम सरकारचे आम्हाला सहकार्य लाभलं आहे. त्यांचे मी आभार मानतो. कामाख्य देवी आसाममध्येच आहे. देवीच्या आशीर्वादामुळे आसामच्या जनतेला सुख-समाधान मिळेल, असंही शिंदे यांनी म्हटलं.

हे ही वाचा: मुदत ठेवीच्या मुद्दलातून टीडीएस कपात? इथे करा तक्रार....

गुवाहाटीला जाण्यापूर्वी शिंदे बोलताना म्हणाले होते की, कामाख्या देवीच्या दर्शनासाठी आम्ही जात आहोत. आम्ही हे सर्व राज्यासाठी करत आहोत. राज्यातल्या बळीराजाला चांगले दिवस येऊ देत. राज्यातील जनता सुखी होऊ देत. राज्यावर आलेली संकट अनिष्ट दूर होऊ देत यासाठी आमचा प्रयत्न असतो.