Eknath Shinde News : शिवसेना आणि धनुष्यबाण चिन्ह गोठवल्यानंतर आता ठाकरे गट आणि शिंदे गटाकडून नव्या चिन्हांची आणि नावे शोधली जात आहेत. काल उद्धव ठाकरे यांनी ठाकरे गटाकडून तीन नावांची आणि तीन चिन्ह आयोगाला पाठवली होती. त्यानंतर आज शिंदे गटाकडून तीन नावांची यादी निवडणूक आयोगाला पाठवण्यात आली आहे. महत्त्वाची बाब म्हणजे दोन्ही गटाकडून देण्यात आलेल्या नावांमध्ये बाळासाहेबांच्या नावाचा उल्लेख आहे. त्यामुळे निवडणूक आयोग आता नेमकं काय निर्णय घेणार हे पाहणे महत्त्वाचे ठरणार आहे.

शिंदे गटाकडू आयोगाला पाठवण्यात आलेल्या नावांमध्ये बाळासाहेब ठाकरे, बाळासाहेबांची शिवसेना आणि शिवसेना बाळासाहेबांची या नावांचा समावेश करण्यात आला आहे. तर, काल ठाकरे गटाकडून शिवसेना बाळासाहेब ठाकरे, शिवसेना बाळासाहेब प्रबोधनकार ठाकरे आणि शिवसेना उद्धव बाळासाहेब ठाकरे अशी तीन नावं आयोगाला पाठवली आहेत.

उद्धव ठाकरेंकडून ठाकरे गटासाठी त्रिशूळ, उगवता सूर्य, धगधगती मशाल या चीन चिन्ह निवडण्यात आली आहे तर, दुसरीकडे शिंदे गटाकडून त्रिशूळ, उगवता सूर्य आणि गदा ही चिन्हं दिली आहेत. आता या दोन्हीत फक्त गदा आणि मशाल ही दोनच दोघांची वेगळी चिन्हं आहेत.

निवडणूक आयोगाविरोधात ठाकरे हायकोर्टात 

अंधेरीमधील पोटनिवडणुकीच्या पार्श्वभूमीवर मुख्यमंत्री एकनाथ शिंदे आणि उद्धव ठाकरे गटातील वाद शिगेला पोहोचला आहे. या निवडणुकीसाठी शिवसेना हे नाव आणि धनुष्यबाण चिन्ह कोणत्याही गटाला वापरता येणार नाही असा निर्णय निवडणूक आयोगाने दिला आहे. आयोगाच्या निर्णयानंतर ठाकरे गटाने आता हायकोर्टाचे दार ठोठावले आहे.